రాంచరణ్‌–శంకర్ సినిమా టైటిల్ అదేనా.. శంకర్ ఫిక్స్ చేశారా

స్టార్ డైరెక్టర్ శంకర్ దర్శకత్వంలో మెగా పవర్‌‌స్టార్ రాంచరణ్‌ సినిమా చేస్తున్న సంగతి తెలిసిందే. RC15 వర్కింగ్ టైటిల్‌తో ఈ సినిమా తెరకెక్కుతోంది. అయితే ఈ సినిమా టైటిల్‌ ఫిక్స్‌ చేసినట్టు తెలుస్తోంది. ఆ టైటిల్‌ ఏంటనే దానిపై ప్రస్తుతం ఆసక్తికర చర్చ నడుస్తోంది.

By Nikhil Rampalli
Published: March 21, 2023 8:01 PM IST

ఆర్‌‌ఆర్‌‌ఆర్‌‌ సినిమాతో భారీ సక్సెస్ ఖాతాలో వేసుకున్నారు మెగా పవర్ స్టార్ రాం చరణ్. ప్రస్తుతం శంకర్ దర్శకత్వంలో భారీ బడ్జెట్ సినిమా చేస్తున్నారు. ఈ సినిమా గురించి వస్తున్న వార్తలు సినిమాపై ఆసక్తిని పెంచేస్తున్నాయి. తాజా ఈ మూవీ టైటిల్ ఫిక్స్ చేశారంటూ.. ఒక వార్త వైరల్ అవుతోంది.

RC15 వర్కింగ్ టైటిల్‌తో తెరకెక్కుతున్న ఈ సినిమాకు ‘సర్కారోడు’ అనే టైటిల్ ఫిక్స్ చేశారని టాక్ నడిచింది. అయితే తాజాగా అందుతున్న సమాచారం మేరకు ఈ సినిమాకు ‘సీఈఓ’ (చీఫ్ ఎలక్టోరల్ ఆఫీసర్‌‌) అనే టైటిల్ ఫైనల్ చేసినట్టు తెలుస్తోంది. ప్రస్తుతం ఈ టైటిల్ ట్విట్టర్ లో ట్రెండ్ అవుతోంది. Also Read - ఆ క్రికెటర్ బయోపిక్‌లో నటించాలని ఉందంటున్న మెగా పవర్‌‌స్టార్ రాంచరణ్

శ్రీ వెంకటేశ్వర క్రియేషన్స్ బ్యానర్‌పై రాబోతున్న 50వ సినిమా కావడంతో దిల్ రాజు ఈ సినిమాను ప్రతిష్ఠాత్మకంగా నిర్మిస్తున్నారు. ఈ సినిమాలో చరణ్‌ సరసన కియారా అద్వానీ హీరోయిన్‌గా నటిస్తున్నారు. జ‌యరామ్‌, అంజ‌లి, సునీల్, శ్రీకాంత్‌, న‌వీన్ చంద్ర త‌దిత‌రులు కీలక పాత్రలు పోషిస్తున్నారు.

ఈ సినిమాలో భారీ యాక్షన్ ఎపిసోడ్స్ను శంకర్ తెరకెక్కిస్తున్నారని తెలుస్తోంది. సినిమా క్లైమాక్స్‌లో వచ్చే ఈ ఎపిసోడ్ కోసం శంకర్ ఓ రేంజ్‌లో ప్లాన్‌ చేశారని చిత్ర యూనిట్ చెబుతోంది. ఈ క్లైమాక్స్‌ సీక్వెన్స్ 20 నిమిషాలు ఉండనుందని, దీనికోసం రూ.20 కోట్లు ఖర్చు చేయనున్నట్టు తెలుస్తోంది.

ఈ సినిమాలో రాం చరణ్ ఎలక్షన్ కమిషనర్‌గా, సీఎంగా రెండు పాత్రల్లో అలరించబోతున్నారట. మొత్తానికి చెర్రీకి సంబంధించి మొత్తం 27 గెటప్స్ ఈ సినిమాలో చూడబోతున్నాం అని తెలుస్తోంది. ఈ వార్త మెగా అభిమానులను అలరిస్తోంది. RC15 సినిమాకు థమన్ సంగీతం అందిస్తున్నారు.

ఓ చరిత్రాత్మక క్యారెక్టర్‌‌లో కూడా చ‌ర‌ణ్ కనిపించనున్నారని టాక్. దిల్ రాజు, శిరీష్ ఈ సినిమాను రూ.400 కోట్ల భారీ బ‌డ్జెట్‌తో నిర్మిస్తున్నారు. వ‌చ్చే ఏడాది వేసవిలో రిలీజ్ చేయడానికి ప్లాన్ చేస్తున్నారు. ఈ సినిమాపై బోలెడన్ని అంచనాలు పెట్టుకున్నారు రాం చరణ్ ఫ్యాన్స్.

RC15 సినిమాలో మరో హీరోయిన్ గా తెలుగమ్మాయి అంజలి కనిపించనుంది. ఫ్లాష్‌బ్యాక్ ఎపిసోడ్స్‌ లో రాం చరణ్ భార్యగా ఆమె కనిపిస్తారట. శ్రీకాంత్ ముఖ్యమంత్రిగా నటిస్తున్నారని టాక్. పొలిటికల్ యాక్షన్ మాస్ డ్రామాగా రూపొందుతున్న ఈ సినిమాపై శంకర్ ప్రత్యేక శ్రద్ద పెట్టారు. అందుకే ఈ సినిమాకు CEO (చీఫ్ ఎలక్షన్ కమీషన్) అనే టైటిల్ పెట్టారట శంకర్. మరికొద్ది రోజుల్లోనే RC15 ఫస్ట్ లుక్ రిలీజ్ చేయాలని మేకర్స్ భావిస్తున్నారు.

ByNikhil Rampalli
Published: March 21, 2023 8:01 PM IST