Shaakuntalam: సమంత ఫ్యాన్స్ అందరికీ సర్ప్రైజ్ ఇచ్చిన ఓటీటీ సంస్థ

సమంత నటించిన శాకుంతలం సినిమా ఓటీటీ లోకి వచ్చేసింది. గుణశేఖర్ దర్శకత్వంలో వచ్చిన ఈ సినిమా బాక్సాఫీస్ వద్ద ప్రేక్షకులను పెద్దగా ఇంప్రెస్ చేయలేక పోయినప్పటికీ కూడా ప్రేక్షకుల మధ్యలో అంచనాలను మాత్రం భారీగానే ఏర్పరచుకుంది.

By Sarvepalli Bhavana
Published: May 11, 2023 11:54 PM IST

సమంత నటించిన సినిమాలు ఎప్పుడు వచ్చినా కూడా థియేటర్స్ కు జనాలు తండోపతండాలుగా వెళ్లి మరి చూసొస్తారు. కానీ అనుకున్న విధంగా జరగకుండా సమంతను మాత్రమే కాకుండా ఆమె ఫ్యాన్స్ అందరిని కూడా నిరాశపరచిన సినిమా శాకుంతలం. గుణశేఖర్ దర్శకత్వంలో వచ్చిన సినిమా బాక్సాఫీస్ వద్ద బోల్తా కొట్టింది. తెలుగులో మాత్రమే కాకుండా ఒక పాన్ ఇండియా సినిమాగా విడుదలైన ఈ పౌరాణిక కావ్యం అన్ని భాషల్లోనూ ప్రేక్షకులను ఆకట్టుకోలేకపోవడంతో పెట్టిన ప్రతి రూపాయి వేస్ట్ అయిందని చెప్పచ్చు.

ఈ సినిమాను గుణశేఖర్ కూతురు నీలిమ గుణ మరియు దిల్ రాజు కలిస నిర్మించారు. ఎన్నో కోట్ల రూపాయలు ఖర్చుపెట్టి తీసిన ఈ సినిమాను మరిన్ని కోట్లు ఖర్చుపెట్టి 3D గా కూడా తీశారు. ఈ సినిమా విడుదలకు ముందు నుంచే ఊహించని విధంగా ప్రేక్షకుల నుండి మిక్స్డ్ టాక్ ను రాబట్టింది. దాంతో ఉన్నట్టుండి పెరుగుతాయి అనుకున్న కలెక్షన్స్ అన్నీ కూడా పడిపోవడం జరిగాయి. ఇక డిస్ట్రిబ్యూటర్స్ మరియు ఎగ్జిబిటర్స్ ఈ సినిమా కోసం ఎన్నో కోట్లు ఖర్చుపెట్టిన ప్రతి ఒక్కరూ ఉన్నట్టుండి నివ్వర పోయారు. అలా ఫుల్ రన్ లో కేవలం 4 కోట్ల రూపాయలలో మాత్రమే షేర్ గా వసూలు చేసింది ఈ సినిమా. ఫలితంగా 19 కోట్ల రూపాయల బ్రేక్ ఈవెంట్ టార్గెట్ తో బరిలోకి ఈ సినిమా దాదాపు 15 కోట్ల రూపాయల వరకు నష్టాలను ఎదుర్కొని ఒక డిజాస్టర్ గా బాక్స్ ఆఫీస్ వద్ద మిగిలింది. Also Read - మరో లేడీ ఓరియెంటెడ్ సినిమాకు ప్లాన్ చేస్తున్న నిర్మాత దిల్ రాజు.. ఈసారి ఆ హీరోయిన్‌తో

విడుదలయ్యి నెల కావస్తుండగా కొద్ది రోజులకు ముందే ఈ సినిమా ఓటీటీ లో స్ట్రీమ్ అవుతోంది. అమెజాన్ ప్రైమ్ వీడియో ఈ సినిమాను ఎన్నో కోట్ల రూపాయలు ఇచ్చి కొనుక్కుందన్న విషయం ఇప్పటివరకు బయటకు రాకపోగా, ఎటువంటి ప్రకటన కూడా చేయకుండా ఉన్నట్టుండి ఈ సినిమాను స్ట్రీమింగ్ చేయడం మొదలుపెట్టింది. ఈ సినిమా తెలుగు తో పాటు, తమిళం కన్నడం మలయాళం మరియు హిందీ భాషల్లో స్ట్రీమింగ్ కు అందుబాటులోకి వచ్చేసింది. అసలు ఊహించని రీతిలో ఇంత పెద్ద సర్ప్రైజ్ ఇచ్చేసరికి సమంత అభిమానులంతా థియేటర్లో ఈ సినిమాను మిస్ అయినందుకు కాబోలు ఓటిటి లో తెగచూసేస్తున్నారు.

ఈ సినిమాతో మలయానటుడు దేవ్ మోహన్ తెలుగు ప్రేక్షకులకు హీరోగా పరిచయం అయ్యాడు. ఈ సినిమాలో దుష్యంతుడి పాత్రను ఎంతో అద్భుతంగా ప్రదర్శించాడు దేవ్. పుట్టి పెరిగింది కేరళలో అయ్యి మాతృభాష మలయాళం అయినప్పటికీ కూడా తెలుగు డైలాగులను ఎంతో చాకచక్యంగా నేర్చుకొని డబ్బింగ్ కూడా తానే చెప్పుకున్నాడు. ప్రస్తుతం తాను రష్మిక మందన తో కలిసి రెయిన్బో అనే తెలుగు మరియు తమిళ సినిమాలు చేస్తున్నాడు. Also Read - సమంత క్రేజ్ మామూలుగా లేదు.. ఇంట్లోనే గుడి కట్టేస్తున్న వీరాభిమాని

BySarvepalli Bhavana
Published: May 11, 2023 11:54 PM IST