Entertainment News : నో ఇంటర్వ్యూ పాలసీని ఫాలో అవుతున్న అజిత్, విజయ్ మరియు ధనుష్ అసలు ఎందుకు ?

అందరూ ప్రమోషన్స్ అంటూ ఉంటే ఈ ముగ్గురు హీరోలు మాత్రం నో ఇంటర్వ్యూస్ పాలసీని ఫాలో అవుతున్నారు

By Vishnupriya chowdhary
Published: February 17, 2023 10:32 AM IST

ఈ రోజుల్లో సినిమాను మరో స్థాయికి తీసుకెళ్లాలంటే ప్రమోషన్లు తప్పనిసరి అయిపోయాయి. ముఖ్యంగా హీరోలు ఈ సినిమాల రిలీజ్ కి ముందు ఇచ్చే ఇంటర్వ్యూల వల్ల వారి చిత్రాల పైన ప్రేక్షకులకు అంచనాలు ఎక్కువగా ఏర్పడుతున్నాయి. అంతేకాకుండా అది సినిమా బిజినెస్ పైన కూడా ప్రభావం చూపిస్తుంది అని చాలామంది నమ్ముతారు. ఉదాహరణకు కమలహాసన్ విక్రమ్ సినిమా తీసుకుంటే, కమలహాసన్ ప్రమోషన్స్ కి విపరీతమైన ప్రాముఖ్యత ఇచ్చాడు. దాదాపు అన్ని చానల్స్ కి ఇంటర్వ్యూలు ఇస్తూ వచ్చాడు ఈ హీరో.

ఇలా చాలామంది హీరోలు విపరీతంగా ప్రమోషన్స్ చేస్తూ ఉంటే కోలీవుడ్ లో ముగ్గురు హీరోలు మాత్రం దీనికి విరుద్ధంగా ప్రవర్తిస్తున్నారు.‌ విజయ్, అజిత్ మరియు ధనుష్‌లు కఠినమైన నో ఇంటర్వ్యూ విధానాన్ని అనుసరిస్తున్నారు. విజయ్ మరియు ధనుష్ ఫ్యాన్స్ క్లబ్ మీటింగ్‌లు నిర్వహించడం మరియు ఆడియో లాంచ్‌లకు అయినా హాజరవుతుండగా అజిత్ మాత్రం అసలు మీదిగా ముందుకు కూడా రావడం లేదు. Also Read - ధనుష్ సినిమాలో మరో స్టార్ హీరో.. మల్టీ స్టారర్ ప్లాన్ చేస్తున్న శేఖర్ కమ్ముల?

ధనుష్ విషయానికి వస్తే నెట్‌ఫ్లిక్స్ యొక్క ది గ్రే మ్యాన్ కోసం, ధనుష్ భారతదేశంలోని మీడియా ఛానెల్‌లతో బ్యాక్-టు-బ్యాక్ ఇంటర్వ్యూలు ఇచ్చాడు. అయితే, తన రాబోయే చిత్రం, వాతి /సార్ చిత్రం కోసం మరియు ఇటీవల విడుదలైన తిరుచిత్రంబలం కోసం, ధనుష్ ఎటువంటి ఇంటర్వ్యూలు ఇవ్వలేదు. అయితే ఆడియో లాంచ్‌లకు హాజరై ప్రేక్షకులను అలరించాడు. కానీ రెండు సినిమాలతో నో-ఇంటర్వ్యూ విధానానికి ధనుష్ నటీనటుల జాబితాలోకి లేటెస్ట్ ఎంట్రీ అయినట్లు కనిపిస్తోంది.

ఇక మరో హీరో విజయ్ విషయానికి వస్తే, తన అభిమానులు ముద్దుగా తలపతి అని పిలుచుకునే విజయ్, దశాబ్దానికి పైగా ఈ నో ఇంటర్వ్యూ విధానాన్ని అనుసరిస్తున్నారు. నేటికీ, పోక్కిరి సందర్భంగా ఆయన ఇచ్చిన పాత ఇంటర్వ్యూలు ఇప్పటికీ సోషల్ మీడియాలో హల్ చల్ చేస్తున్నాయి. అయితే ఈ మధ్యకాలంలో మాత్రం అలా యక్టివ్ గా ఇంటర్వ్యూస్ ఇవ్వడం మానేశాడు ఈ హీరో. నెల్సన్ దిలీప్‌కుమార్ యొక్క బీస్ట్ సినిమా కోసం మాత్రం కేవలం సన్ టివి కి ఒక ఇంటర్వ్యూ ఇచ్చాడు. అయితే దానికి కారణం లేకపోలేదు. కోవిడ్-19 మహమ్మారి సమయంలో మేకర్స్ ఆడియో లాంచ్‌ను నిర్వహించలేకపోవడమే దీనికి కారణం. ఒకవేళ ఆ సినిమాకి ఆడియో లాంచ్ జరిగి ఉంటే ఆ ఇంటర్వ్యూ కూడా ఇచ్చు ఉండదు ఈ హీరో. కాకపోతే విజయ్ తరచూ తన అభిమానులను సమావేశాల్లో కలుసుకోవడంతోపాటు తన సినిమాల ఆడియో ఆవిష్కరణ కార్యక్రమాలకు హాజరవుతూ ఉంటాడు. అంతే కాదు ఈ మధ్య తలపతి విజయ్ యొక్క వారిసు ఆడియో లాంచ్ కార్నివాల్ ఎంత పాపులర్ అయిందో మనందరికీ తెలుసు. చెన్నైలోని నెహ్రూ ఇండోర్ స్టేడియం మొత్తం అభిమానులతో కిక్కిరిసిపోయింది. ఆడియో లాంచ్‌కు సంబంధించిన టిక్కెట్లు అధిక ధరలకు అమ్ముడుపోయినట్లు సమాచారం. Also Read - ధనుష్ తమ్ముడి పాత్ర చేసే ఛాన్స్ కొట్టేసిన టాలీవుడ్ యంగ్ హీరో

ఇక ఇలాంటివి కూడా చేయడు మరో హీరో అజిత్.దశాబ్ద కాలంగా అజిత్ కుమార్ మీడియా కంటికి దూరంగా ఉంటున్నారు. తన వ్యాఖ్యలు బయటకు వేరే రకంగా వెళుతున్నాయని, అందుకే మీడియాకు దూరంగా ఉండాలని నిర్ణయించుకున్నానని చెప్పారు. తన సినిమాలను ప్రమోట్ చేయడంపై కూడా తనకు నమ్మకం లేదని, సినిమా మంచిగా ఉంటే అదే ఆడుతుందని అజిత్ తరచుగా చెబుతుంటారు. అంతేకాకుండా ఈ హీరో ఏదైనా సినిమా సంతకం చేసినప్పుడు ప్రమోషన్స్ లో పాల్గొన్నాను అని ఒప్పందం కూడా చేసుకుంటూ ఉంటారు.

అయితే అజిత్ అభిప్రాయంలో కూడా తప్పులేదు. నిజంగానే సినిమాలో కథా బలం ఉంటే మరియు చిత్రం ట్రైలర్ ప్రేక్షకులను ఆకట్టుకోగలిగితే ఆ సినిమాలు సూపర్ హిట్ అవుతాయి. మరి ఈ నో-ఇంటర్వ్యూ విధానం సినిమాపై ప్రభావం చూపుతుందా లేదా అనేది మాత్రం కాలమే చెప్తుంది. Also Read - కెప్టెన్ మిల్లర్ నుంచి ఫస్ట్ లుక్ విడుదల చేసిన మేకర్స్.. ఆకట్టుకుంటున్న ధనుష్‌

ByVishnupriya chowdhary
Published: February 17, 2023 10:32 AM IST