K Viswanath : టాలీవుడ్ అద్భుత దర్శకుడు కళాతపస్వి కె.విశ్వనాథ్‌ కన్నుమూత!

ఎన్నో అద్భుత కావ్యాలను మనకు అందించిన కే.విశ్వనాధ్ గారు ఇక మనకు లేరు......

By Vishnupriya chowdhary
| Updated: February 3, 2023 7:41 AM IST

తెలుగు సినిమా పరిశ్రమలో తీవ్ర విషాదం చోటు చేసుకుంది. ఎన్నో అద్భుత సినిమాలు మనకు ఇచ్చిన విశ్వనాధ్ గారు కన్నుమూశారు. కె.విశ్వనాథ్‌ (92) గత కొన్ని రోజులుగా అనారోగ్య సమస్యలతో బాధపడుతున్నారు,‌ అయితే కొంచెం ఎక్కువ ఇబ్బంది రావడంతో ఈమధ్య హైదరాబాద్‌లోని ఓ ప్రభుత్వ ఆసుపత్రిలో చేర్పించారు. ఈ క్రమంలో చికిత్స పొందుతూ ఆయన గురువారం రాత్రి తుదిశ్వాస విడిచారు.

ఆయన తీసిన ఒక్కో సినిమా ఒక్కొక్క కావ్యం అని చెప్పొచ్చు. సప్తపది, స్వయంకృషి, శృతిలయలు, సాగర సంగమం, స్వర్ణకమలం, శంకరాభరణం తెలుగు వారికి తెలుగు సినిమా ఉన్నంతవరకు మరిచిపోలేని అపురూప చిత్రాలు అవి.సాధారణ కథలను తన అద్భుతమైన ప్రతిభతో వెండితెర దృశ్యకావ్యంగా మలిచిన అరుదైన దర్శకుడు కే. విశ్వనాథ్.

Also watch

తెలుగు సినిమా ఖ్యాతిని ఖండాంతరాలుగా వ్యాపింపజేసిన వారిలో విశ్వనాధ్ గారిది ఉన్నతమైన స్థానం. గుంటూరు జిల్లా, రేపల్లె తాలూకాలోని పెద పులివర్రులో 1930 ఫిబ్రవరి 19న విశ్వనాథ్ జన్మించారు. ఇక తన ఊరు గుంటూరులోనే ఈ దర్శకుడు బిఎస్సి వరకు చదువుకున్నారు.

సినిమాల విషయానికి వస్తే, 1957లో వచ్చిన ‘తోడికోడళ్లు’ సినిమాకు సౌండ్ ఇంజనీర్ గా సినిమా ప్రస్థానాన్ని ప్రారంభించిన విశ్వనాధ్ దర్శకుడు ఆదుర్తి సుబ్బారావు దగ్గర ‘చదువుకున్న అమ్మాయిలు’, డాక్టర్ చక్రవర్తి, ‘మూగమనసులు’ వంటి పలు సినిమాలకు కో డైరెక్టర్గా పనిచేశారు. చెప్పుకోదగ్గ విషయం ఏమిటి అంటే ఈ సినిమాలన్నింటిలో అక్కినేని నాగేశ్వరరావు హీరో. అలా అక్కినేనితో ఏర్పడిన పరిచయం కాస్త.. దర్శకుడిగా అవకాశం కల్పించింది. ఏఎన్నార్, కాంచన హీరోహీరోయిన్గా 1965లో ‘ఆత్మగౌరవం’ సినిమాను విశ్వనాథ్ దర్శకత్వం వహించారు.

మొదట్లో కమర్షియల్ సినిమాలు ఎక్కువగా తీసిన ఈ దర్శకుడికి శారద మరియు సిరిసిరిమువ్వ సినిమా సూపర్ హిట్లను అందించాయి. ఇక ఆ తరువాత ఈయన చేసిన శంకరాభరణం సినిమా అప్పట్లో ఒక సెన్సేషన్ సృష్టించింది. సాగరసంగమం, సప్తపది, స్వాతిముత్యం, సిరివెన్నెల, శుభలేఖ, స్వయం కృషి, వంటి ఎన్నో చిత్రాలను తీశారు. ప్రతి చిత్రంలో సంస్కృతీ సంప్రదాయాలు, భారతీయ కళలకు పెద్దపీట వేశారు.

1992లో రఘుపతి వెంకయ్య పురస్కారం, 1992లో పద్మశ్రీ పురస్కారం, 2016 లో దాదాసాహెబ్ ఫాల్కే పురస్కారం ఆయనను వరించాయి.

ఇక అద్భుత చిత్రాలు తీసి కళాతపస్విగా పేరు తెచ్చుకున్నారు ఈ దర్శకుడు. అంతేకాదు కొన్ని చిత్రాలను హిందీలో కూడా రీమేక్ చేశాడు. ‘సిరిసిరిమువ్వ’ను ‘సర్గమ్’గా, ‘శుభోదయం’ చిత్రాన్ని ‘కామ్‌‌చోర్’ గా, ‘శంకరాభరణం’ సినిమాను ‘సుర్ సంగమ్’గా తీశారు. ఇక ఈ మధ్య కూడా అల్లరి నరేష్ తో శుభప్రదం అనే చిత్రాన్ని తీశారు ఈ దర్శకుడు. ఇక నదులుగా కూడా ఎన్నో చిత్రాలు చేసిన విశ్వనాధ్ ఈ మధ్య మనకి ఆడవారి మాటలకు అర్థాలే వేరులే, మిస్టర్ పర్ఫెక్ట్,‌ సంతోషం వంటి చిత్రాలలో కనిపించి మెప్పించారు.

ByVishnupriya chowdhary
| Updated: February 3, 2023 7:41 AM IST