Top Gear Teaser: కొత్త అవతార్ లో హీరో ఆది సాయి కుమార్

ప్రస్తుతం బ్యాక్ తో బ్యాక్ సినిమాలతో బిజీ గ ఉన్నారు హీరో ఆది సాయి కుమార్. తన నెక్స్ట్ సినిమా టాప్ గేర్ యొక్క పోస్ట్ ప్రొడక్షన్ పనుల్లో బిజీగా ఉన్నాడు ఈ హీరో. ఈ సినిమా టీజర్ ను ఆడియన్స్ కోసం విడుదల చేసారు డైరెక్టర్ మారుతి.

By Sarvepalli Bhavana
Published: December 3, 2022 7:41 PM IST

ప్రతి ఏడాది మంచి స్క్రిప్ట్స్ ను ఎంచుకుంటూ తనకంటూ ఒక మంచి పేరు సంపాదించుకున్నాడు హీరో ఆది సాయి కుమార్. ప్రస్తుతం తన కెరీర్ లో ఇంట్రెస్టింగ్ మరియు ఎంటర్టైనింగ్ కథలను ఎంచుకుంటూ కొత్త మలుపు తిప్పుకుంటున్నాడు తన జీవితాన్ని. అయితే త్వరలో విడుదల కానున్న తన నెక్స్ట్ సినిమా యొక్క అప్డేట్ ను షేర్ చేస్తూ, తన రాబోయే సినిమా టాప్ గేర్ టీజర్ ను విడుదల చేసాడు.

హిట్ చిత్రాల దర్శకుడు మారుతి ఈ టీజర్ ను విడుదల చేశారు. ఒక నిమిషం 21 సెకనుల నిడివితో కట్ చేసిన ఈ టీజర్ లోని డైలాగ్స్, సన్నివేశాలు సినిమాపై క్యూరియాసిటీ పెంచేస్తున్నాయి. టీజర్ రిలీజ్ చేసిన డైరెక్టర్ మారుతి.. చిత్రయూనిట్ మొత్తాన్ని ప్రత్యేకంగా అభినందించారు. "టీజర్ చాలా బాగా కట్ చేశారు. టీజర్ చూస్తుంటేనే ఈ సినిమా ఎంత బాగా వచ్చిందో అర్థమవుతోంది. మీ అందరికి ఆల్ ది బెస్ట్. ఎన్నో హిట్ చిత్రాలకు కెమెరామెన్‌గా పని చేసిన సాయి శ్రీరామ్ ఈ సినిమాకు అద్భుతమైన విజువల్స్ అందించారు. హర్షవర్దన్ రామేశ్వర్ సంగీతం అందించారు. చాలా బాగుంటుంది ఈ సినిమా," అని అన్నారు. Also Read - KGF controversy : వెంకటేష్ మహా కేజిఎఫ్ కామెంట్స్ పై రియాక్ట్ అవుతున్న తెలుగు సెలబ్రిటీస్

Also watch

ఈ చిత్రానికి కె. శశికాంత్ దర్శకత్వం వహిస్తుండగా శ్రీ ధనలక్ష్మి ప్రొడక్షన్స్ బ్యానర్ పై ఆదిత్య మూవీస్ & ఎంటర్‌టైన్‌మెంట్స్ సమర్పణలో K. V. శ్రీధర్ రెడ్డి భారీ బడ్జెట్ తో నిర్మిస్తున్నారు. Also Read - ఆది సాయికుమార్ ‘CSI సనాతన్’.. క్రైమ్ ఇన్వెస్టిగేటివ్ థ్రిల్లర్

ప్రస్తుతం ఈ చిత్ర ప్రమోషన్స్ చేప్పట్టిన మేకర్స్ ఇప్పటికే టాప్ గేర్ సినిమాకు సంబంధించి రిలీజ్ చేసిన అప్ డేట్స్ తో సూపర్ రెస్పాన్స్ అందుకున్నారు. టాప్ గేర్ మోషన్ పోస్టర్, ఫస్ట్ లుక్ పోస్టర్, రీసెంట్‌గా సిధ్ శ్రీరామ్ పాడిన వెన్నెల పాట ఇలా అన్నింటిపైనా పాజిటివ్ బజ్ క్రియేట్ అయింది. ఈ నేపథ్యంలోనే తాజాగా ఈ సినిమా టీజర్ రిలీజ్ చేశారు.

ఈ చిత్రంలో ఆది సాయికుమార్ సరసన రియా సుమన్ హీరోయిన్ గా నటిస్తుండగా.. బ్రహ్మాజీ, సత్యం రాజేష్, మైమ్ గోపి, నర్రా, శత్రు, బెనర్జీ, చమ్మక్ చంద్ర లు కీలక పాత్రలు పోషిస్తున్నారు. ప్రస్తుతం పోస్ట్ ప్రొడక్షన్ కార్యక్రమాలు జరుపుకుంటున్న ఈ సినిమాను డిసెంబరు 30వ తేదీన విడుదల చేయబోతున్నారు. Also Read - Top Gear Movie Review: పడాల్సిన చోట బ్రేకులు వేసుకుంటూ ఆడియన్స్ను ఇంట్రెస్టింగ్ గా ముందుకు తీసుకెళ్లిన టాప్ గేర్

నటీనటులు
ఆది సాయి కుమార్, రియా సుమన్, బ్రహ్మాజీ, సత్యం రాజేష్, మైమ్ గోపి, నర్రా, శత్రు, బెనర్జీ, చమ్మక్ చంద్ర, రేడియో మిర్చి హేమంత్ తదితరులు

టెక్నీషియన్స్
కథ, స్క్రీన్ ప్లే, దర్శకత్వం: కె.శశికాంత్
సినిమాటోగ్రాఫర్: సాయి శ్రీరామ్
మ్యూజిక్: హర్షవర్ధన్ రామేశ్వర్
ఎడిటర్: ప్రవీణ్ పూడి
ఆర్ట్: రామాంజనేయులు
కాస్ట్యూమ్ డిజైనర్: మాన్వి
ఎగ్జిక్యూటివ్ ప్రొడ్యూసర్: గిరిధర్ మామిడిపల్లి
ప్రొడ్యూసర్: K. V. శ్రీధర్ రెడ్డి

BySarvepalli Bhavana
Published: December 3, 2022 7:41 PM IST