Top Gear: టాప్ గేర్ సినిమాలో ఆడియోస్ కు కావాల్సిన అన్ని ఎలిమెంట్స్ ఉంటాయి: ఆది సాయికుమార్

ఈ శుక్రవారం థియేటర్స్ లో విడుదల కానున్న టాప్ గేర్ సినిమాను శశికాంత్ డైరెక్ట్ చేయగా ఆది సాయికుమార్ హీరోగా నటించి ఆడియన్స్ను మెప్పించేందుకు సిద్ధంగా ఉన్నారు. అయితే ఈ సినిమాకు సంబంధించిన కొన్ని విషయాలు మనతో పంచుకున్నారు ఆది.

By Sarvepalli Bhavana
Published: December 28, 2022 11:02 AM IST

కెరియర్లో రకరకాల సినిమాలు చేస్తూ ఆడియన్స్ను తనదైన శైలిలో ఆకట్టుకుంటున్న హీరో ఆది సాయికుమార్. ప్రస్తుతం ఆది తన నెక్స్ట్ సినిమా టాప్ గేర్ ప్రమోషన్స్ లో బిజీగా ఉన్నాడు. ఈ సినిమా డిసెంబర్ 30న అనగా ఈ శుక్రవారం థియేటర్లో విడుదల కానుంది. తీస్మార్ ఖాన్ మరియు క్రేజీ ఫెల్లో తరువాత టాప్ గేర్ సినిమాతో మొత్తానికి ఈ సంవత్సరంలో మూడు సినిమాలను విడుదల చేశాడు ఆది.

శశికాంత్ దర్శకత్వం వహించిన టాప్ గేర్ సినిమా యొక్క ట్రైలర్ను కొద్ది రోజుల క్రితం విడుదల చేశారు దర్శక నిర్మాతలు. ట్రైలర్ ద్వారా టాప్ గేర్ ఒక క్రైమ్ థ్రిల్లర్ అన్న విషయం మాత్రం ఆడియన్స్ కు క్లియర్ అయిపోయింది. ఈ సినిమా గురించి మరిన్ని వార్తలు మనతో పంచుకుంటూ ఆది సాయికుమార్ ఈరోజు మాట్లాడటం జరిగింది. ఆ ఇంటర్వ్యూ నుండి మీకోసం కొన్ని విషయాలు.

Also watch

ఒకే సంవత్సరంలో మూడు బ్యాక్ టు బ్యాక్ సినిమాలు విడుదల చేశారు ఎలా అనిపిస్తోంది?

చాలా సాటిస్ఫైయింగ్ గా ఉందండి. కువైట్ కి ముందు ఒప్పుకున్న సినిమాలన్నీ కూడా మెల్లగా షూటింగ్ చేసి ఇప్పుడు ఒకదాని తర్వాత ఒకటి రిలీజ్ చేస్తున్నాం. టాప్ గేర్ కూడా అలాంటి సినిమాల్లో ఒకటి. ఈ సినిమాను సమ్మర్ లోనే విడుదల చేద్దాం అనుకున్నాం కానీ డేట్లు దొరక్క ఇన్ని రోజులు ఆగాల్సి వచ్చింది. కానీ మొత్తం మీద సంవత్సరానికి మూడు సినిమాలు విడుదల చేస్తున్నామని సంతోషం చాలా ఉంది.

మీరు చేసే సినిమాల్లో ఎక్కువ శాతం థ్రిల్లర్స్ ఉంటాయి. మీరు కేవలం అలాంటి కథలను మాత్రమే ఎంచుకుంటారా?

లేదండి ప్రత్యేకంగా అలాంటి థ్రిల్లింగ్ కాన్సెప్ట్స్ ఉన్న స్టోరీస్ నేను ఎంచుకోను. కానీ నాకు వచ్చే స్టోరీస్ లో ఎక్కువ మటుకు థ్రిల్లర్స్ వస్తుంటాయి. ప్రస్తుతం నడుస్తున్న ట్రెండ్ ప్రకారం కూడా ఆడియన్స్ ఎక్కువగా థ్రిల్లర్స్ చూడటానికి ఇష్టపడుతున్నారు. అయితే ప్రత్యేకంగా కథలో దానికి సంబంధించి ఒక కాన్సెప్ట్ ఉండాల్సిన అవసరం లేదు. మంచి కథ చెప్తున్నమనిపించే కంటెంట్ ఉన్న సినిమాలు ఉంటే చాలు ఆడిన తప్పకుండా థియేటర్స్ కి వస్తారు. అన్నిటికన్నా ముఖ్యంగా అందులో నన్ను ఆకర్షించే పాయింట్ ఏదన్నా ఉంటేనే ఆ సినిమాకు నేను ఓకే చెబుతాను.

ఈ సినిమా స్క్రిప్ట్ మీ వరకు ఎలా వచ్చింది? డైరెక్టర్ మిమ్మల్ని మాత్రమే ఎంచుకున్నారా?

డైరెక్టర్ శశికాంత్ నాకు మరియు ప్రొడ్యూసర్స్ కి కలిపి రెండు స్టోరీలను నరేట్ చేశారు. ఒకటి పొలిటికల్ త్రిల్లర్ అయితే మరొకటి ఈ టాప్ గేర్ స్టోరీ.. మా అందరికీ కూడా ఈ సినిమా కథ మటుకే బాగా నచ్చింది.. పైగా ఇందులో ఉన్న క్యాబ్ డ్రైవర్ పాత్ర నాకు బాగా సరిపోతుంది అనిపించడంతో అందరం కలిసి ఒక కలెక్టర్ డెసిషన్ తో ఈ స్టోరీకి ఎస్ చెప్పాం. శశి ఈ సినిమాను చాలా బాగా డైరెక్షన్ చేశాడు. అవుట్ పుట్ బాగా వచ్చింది మరి మేము అందరం చాలా హ్యాపీగా ఉన్నాం కూడా.

ఒక్కోసారి కథ ఆడుతుంది... ఒక్కోసారి ఆడదు. అలాంటప్పుడు మీకు ఎప్పుడైనా భయం అనేది పుట్టిందా? మా నెక్స్ట్ సినిమా పరిస్థితి ఏంటి అన్న భయం మీకు ఎప్పుడైనా వచ్చిందా?

వచ్చిందండి చాలాసార్లు నాకు ఆ భయం పుట్టింది. కానీ కథలను జాగ్రత్తగా ఎంచుకుంటే తప్ప ఆ భయం పోదు. పైగా ప్రతీసారి సినిమా సక్సెస్ నా చేతుల్లోనే ఉండదు కదా. కంటెంట్ లేని సినిమాలను ప్రేక్షకులు చూడటం మానేశారు. మొండిమధ్య విడుదలైన నా సినిమాలో కూడా కొన్ని థియేటర్లో బాగా ఆడితే, కొన్ని ఓటీటీలో బాగా ఆడుతున్నాయి. సూపర్ ప్రేక్షకులు చూసే విధానాన్ని, ఏం చూడాలనుకుంటున్నారు అన్నదాన్ని బట్టి ప్రస్తుతం సినిమాలు నడుస్తున్నాయి.

టాప్ గేర్ సినిమా విడుదల అవుతున్న సందర్భంగా మీరు ఆడియన్స్ కు ఏమైనా చెప్పాలనుకుంటున్నారా?

తప్పకుండా చెప్పాలి. ఒక్క నార్మల్ క్యాప్ డ్రైవర్ లైఫ్ లో జరిగే ఎటువంటి ఒక ఇన్సిడెంట్ ఈ సినిమా. ఇందులో అన్ని రకాల కమర్షియల్ ఎలిమెంట్స్ తో పాటు మంచి స్టోరీ కూడా ఉంది. తప్పకుండా దీనిని చూసి థియేటర్లో మీరందరూ చాలా థ్రిల్ గా అవుతారు. కాబట్టి తప్పకుండా థియేటర్స్ కు వచ్చి ఈ సినిమాను చూసి ఎంజాయ్ చేయండి.

BySarvepalli Bhavana
Published: December 28, 2022 11:02 AM IST