స్పెషల్ సాంగ్ కోసం బాలీవుడ్ భామ ఊర్వశి రౌతెలా ఎంత డిమాండ్ చేస్తుందో తెలిస్తే షాకవ్వక తప్పదు

వాల్తేరు వీరయ్య సినిమాలో ‘వేర్ ఈజ్ ద పార్టీ’ అంటూ మెగాస్టార్‌‌తో స్పెషల్ సాంగ్‌లో ఆడిపాడిన బాలీవుడ్ భామ ఊర్వశి రౌతెలా. ప్రస్తుతం టాలీవుడ్‌లో ఐటమ్ సాంగ్స్‌కు కేరాఫ్ గా మారింది.

By Nikhil Rampalli
| Updated: June 7, 2023 6:41 PM IST

ఊర్వశి రౌతెలా (Urvashi Rautela).. కొన్ని రోజులుగా టాలీవుడ్‌లో వినిపిస్తున్న పేరు. స్పెషల్ సాంగ్స్‌కు కేరాఫ్ గా మారుతోంది ఈ బాలీవుడ్ భామ. మెగాస్టార్ చిరంజీవితో వాల్తేరు వీరయ్య సినిమాలో ఆడిపాడిన ఈ భామ ఆ తర్వాత.. అఖిల్ ఏజెంట్ సినిమాలోనూ స్పెషల్ సాంగ్‌ లో మెరిసింది. తాజాగా, రామ్ పోతినేని, బోయపాటి కాంబోలో తెరకెక్కుతున్న సినిమాలో కూడా ఐటమ్ సాంగ్ చేసింది. దాంతో టాలీవుడ్ లో ఐటమ్ సాంగ్ అనగానే వినిపిస్తున్న పేరు ఊర్వశి రౌతెలా. ప్రస్తుతం ఫుల్ జోష్ మీదున్న ఈ భామ ప్రొడ్యూసర్లకు షాక్ ఇస్తోంది. ఒక్కో పాటకు భారీగా రెమ్యునరేషన్ డిమాండ్ చేస్తోందని టాక్.
3 నిమిషాలు ఉండే స్పెషల్ సాంగ్ కోసం ఏకంగా రూ.3 కోట్ల వరకు డిమాండ్ చేస్తోందట ఈ ఐటమ్ బాంబ్. అయితే ఈ భామ చేసే పాటలకు డిమాండ్ ఉండడంతో ఆమె అడిగినంత రెమ్యునరేషన్ ఇచ్చేందుకు రెడీ అవుతున్నారట నిర్మాతలు కూడా. మెగాస్టార్ చిరంజీవి, మాస్ మహారాజా రవితేజ కలిసి నటించిన వాల్తేరు వీరయ్య సినిమాలో బాస్ పార్టీ అంటూ చిరుతో స్టెప్పులేసింది ఈ బ్యూటీ.

అలాగే రామ్ పోతినేని, బోయపాటి కాంబోలో రూపొందుతున్న పాన్ ఇండియా సినిమాలోనూ ఓ సాంగ్ చేసింది. ఇక, అఖిల్ అక్కినేని నటించిన ఏజెంట్ చిత్రంలోనూ స్పెషల్ సాంగ్‌ లో ఆడిపాడింది ఈ బాలీవుడ్ బ్యూటీ. ఇవే కాకుండా.. ఇక తెలుగులో స్పెషల్ సాంగ్స్ కోసం దర్శకనిర్మాతలంతా ఊర్వశీని సెలక్ట్ చేసేందుకే ఆసక్తి చూపిస్తున్నారట. అందుకు ఈ అమ్మడికి పెద్ద మొత్తంలోనే రెమ్యూనరేషన్ ఇచ్చేందుకు రెడీ అవుతున్నారని తెలుస్తోంది. Also Read - పుష్ప2 సినిమాలో ఐటమ్ సాంగ్ కోసం ఊర్వశి రౌతెలా ఎంత డిమాండ్ చేసిందో తెలిస్తే తప్పకుండా షాకవుతారు

ఒక సినిమాలో స్పెషల్ సాంగ్ చేయడం కోసం ఏకంగా మూడు కోట్ల వరకు ఈ బ్యూటీకి ఇచ్చేందుకు సిద్ధంగా ఉన్నారట. వాల్తేరు వీరయ్యలో బాస్ పార్టీ కోసం ఒక స్టార్ ఇమేజ్ హీరోయిన్ కు ఇచ్చే స్థాయిలో రెమ్యునరేషన్ ఇవ్వడం షాకింగ్ అనే చెప్పుకోవచ్చు. తెలుగులో పూజాహెగ్డే, రష్మికా మందాన లాంటి స్టార్ హీరోయిన్లు రూ.5 కోట్ల వరకు చార్జ్ చేస్తున్నారు. అయితే, ఈ బాలీవుడ్ బ్యూటీకి 3 నిమిషాల పాటకు మూడు కోట్లు ఇవ్వడం ఆమె డిమాండ్ ను తెలియజేస్తోంది.

ఇక ఇటీవల ట్విట్టర్ వేదికగా పవన్ కళ్యాణ్ సినిమా చూస్తున్నానంటూ చెప్పుకొచ్చింది ఊర్వశి. దీంతో ఉస్తాద్ భగత్ సింగ్ చిత్రంలో ఈ బ్యూటీ ఓ స్పెషల్ సాంగ్ చేస్తోందా అనే సందేహాలు కూడా మొదలయ్యాయి. గతంలో కూడా ఆర్ అంటూ ట్వీట్ చేయడం వైరల్ అయిన సంగతి తెలిసిందే. Also Read - టాలీవుడ్ లో ఐటమ్ సాంగ్స్ కు పెట్టిన పేరుగా మారిపోతున్న బాలీవుడ్ హీరోయిన్

ByNikhil Rampalli
| Updated: June 7, 2023 6:41 PM IST