Veera Simha Reddy: నందమూరి బాలకృష్ణ గురించి ఆశ్చర్యమైన విశేషాలు పంచుకున్న దునియా విజయ్

జనవరి 12న థియేటర్లో విడుదల కానున్న వీర సింహారెడ్డి సినిమాలో కన్నడ నటుడు దునియా విజయ్ విలన్ పాత్ర పోషిస్తున్న విషయం తెలిసిందే. సినిమా యొక్క ప్రమోషన్స్ లో భాగంగా మీడియాతో మాట్లాడిన విజయ్ బాలకృష్ణ గురించి ఏం చెప్పారు మీరే చదవండి.

By Sarvepalli Bhavana
Published: January 6, 2023 5:42 PM IST

నందమూరి బాలకృష్ణ హీరోగా నటించిన వీర సింహారెడ్డి సినిమా జనవరి 12న థియేటర్లో విడుదల కానున్నది. గోపీచంద్ మలినేని దర్శకత్వం వహించిన ఈ సినిమాను మైత్రి మూవీ మేకర్ సంస్థ నిర్మించడం జరిగింది. ఈ సినిమా యొక్క ట్రైలర్ ఈరోజు ఒంగోలులో జరుగుతున్న రిలీజ్ ఈవెంట్లో విడుదల అవ్వబోతోంది. అయితే ఈ సినిమా యొక్క ప్రమోషన్స్ లో పాల్గొంటూ విలన్ గా నటించిన కన్నడ నటుడు దునియా విజయ్ మీడియాతో మాట్లాడటం జరిగింది.

దునియా అనే కన్నడ సినిమాతో పాపులర్ అయ్యే ఒక మాస్ యాక్షన్ హీరోగా ఆడియన్స్ లో తనకంటూ ఒక పేరును సంపాదించుకున్నాడు హీరో విజయ్. ఆ సినిమా హిట్ అయిన తర్వాత నుండి దునియా ఆయన ఇంటి పేరుగా మారింది. వీర సింహారెడ్డి దునియా విజయ్కు మొదటి తెలుగు సినిమా అవడం విశేషం. ఇంతకీ ఈ సినిమా గురించి ఆయన ఏం చెప్పాలనుకుంటున్నారో మీరే చదవండి. Also Read - బాలకృష్ణ, శృతి హాసన్ సినిమా టైటిల్ ఏంటో తెలుసా ?

Also watch

తెలుగు సినిమా ఇండస్ట్రీకి స్వాగతం విజయ్ గారు. తెలుగు దర్శకుల నుండి మీకు ఇదే మొదటి ఆఫర్ ఆ?

థాంక్స్ అండి. ఇది నాకు వచ్చిన మొదటి తెలుగు ఆఫర్ కాదు. ఇంతకుముందు కూడా నాకు రెండు మూడు ఆఫర్లు వచ్చినా కూడా నేను వాటిని వేరువేరు సందర్భాల్లో చేయలేకపోయాను. అయితే ఇప్పుడు మొత్తానికి వీరసింహారెడ్డి సినిమాతో తెలుగులోకి అడుగుపెడుతున్నాను. ఇందు కొరకు డైరెక్టర్ గోపీచంద్ మల్లి నేను కి థాంక్స్ చెప్పుకోవాలి. Also Read - బాక్స్ ఆఫీస్ మళ్ళీ బద్దలు కొడుతున్న బాలకృష్ణ సూపర్ హిట్ సినిమా.

బాలకృష్ణ సినిమా తోటి తెలుగు సినిమా ఇండస్ట్రీ లోకి అడుగు పెట్టడం ఎలా అనిపిస్తోంది?

ముద్దుల మామయ్య, బంగారు బుల్లోడు లాంటి బాలకృష్ణ గారి సినిమాలు చూసి నేను పెరిగాను. తెరమీద ఆయన్ను చూసినప్పుడు ఎంతో ఎనర్జీ వచ్చేసేది. అసలు ఆయనకి ఎంత ఎనర్జీ ఎక్కడి నుంచి వస్తుందని ఎప్పుడూ ఆశ్చర్యం వేసేది నాకు. అలాంటిది మొత్తం మీద ఆయన ఎనర్జీని లైవ్ లో చూడగలిగే అవకాశం నాకు దక్కింది. మరో మాటలు చెప్పాలంటే ఆయన సినిమా ద్వారా తెలుగు సినిమా ఇండస్ట్రీలో అడుగు పెడుతున్నందుకు చాలా సంతోషంగా ఉంది నాకు. ఆయన చాలా గొప్ప మరియు మనసున్న మనిషి. ఒక హీరోగా ఉంటూ, రాజకీయాల్లో కూడా పాల్గొంటూ ప్రజలకు సేవ చేయడం అనేది మామూలు విషయం కాదు. అసలు ఆయనకు అలాంటి పనులు చేయాల్సిన అవసరం లేకపోయినా కూడా బసవతారకం ఆసుపత్రి ద్వారా చిన్న పిల్లలకు మరియు పేదవారికి సాయం చేస్తున్నారు. అంత గొప్ప మనసునే నేను ఎప్పుడూ కలవలేదు. Also Read - నందమూరి బాలకృష్ణ తో అనిల్ రావిపూడి సినిమా

ఈ సినిమాలో మీ పాత్ర ఎలా ఉండబోతోంది?

ఏదో ఆషామాషీగా, నలుగురిని కొట్టి, తమ్మి అలా చెడ్డవాడు అనిపించుకునే విలన్ పాత్ర నేను చేయదలచుకోలేదు. ఈ సినిమాలో కథలో మూలమైన ఒక స్తంభం గా ఉంటాడు విలన్. ఎంతో పవర్ఫుల్ క్యారెక్టర్ కూడా. ఇప్పటివరకు బాలకృష్ణ సినిమాలో నటించిన విలన్ అందరి పాత్రలు ఎంత పవర్ఫుల్గా ఉండేవో ఈ పాత్ర అంతకన్నా పవర్ ఫుల్ గా ఉంటుంది. సినిమా చూస్తున్నంత సేపు కూడా ఒక చెడ్డ పాత్రలో కనిపించే నేను, సినిమా అయిపోయిన తర్వాత మీ అందరితో సూపర్ అనిపించకునే నమ్మకం నాకుంది. గోపీచంద్ సర్ నాకు వచ్చి ఈ కథ చెప్పినప్పుడు విన్న వెంటనే చేయాలని డిసైడ్ అయిపోయాను. నాకు అంత బాగా నచ్చింది ఈ సినిమా స్టోరీ మరియు నా పాత్ర.

కన్నడ సినిమా ఇండస్ట్రీలో మీకంటూ ఒక మార్కెట్ మరియు వ్యాల్యూ ఉన్నాయి. అలాంటప్పుడు తెలుగు సినిమాల్లో ఒక విలన్ పాత్ర పోషించడానికి మీకు ఎటువంటి అభ్యంతరం రాలేదా?

ఒక్కసారి యాక్టింగ్ మొదలు పెట్టిన తర్వాత, ఒక మంచి నటుడు అవ్వాలంటే ఎటువంటి పాత్రలు పోషించడానికి అయినా కూడా సిద్ధంగా ఉండాలి. అప్పుడే మనలో ఉన్న నటుడు బయటికి వస్తాడు. నేను ఎంతసేపు నాకు నచ్చిన పాత్రలు మాత్రమే చేస్తుంటాను అనుకుంటూ పోతే నాకు పాత్రలు రావడమే కష్టం అయిపోతుంది. అందుకనే నేను ఎటువంటి పాత్రలు చేయడానికి అయినా సిద్ధమే అని ఈ సందర్భంగా చెప్తున్నాను.

తెలుగు సినిమా ఇండస్ట్రీలో మీకు బాగా నచ్చే హీరో ఎవరు?

మరో ఆలోచన లేదు. తప్పకుండా పెద్ద ఎన్టీఆర్ గారే. నా తల్లిదండ్రులు, అమ్మమ్మ తాతలు, మామలు వీళ్ళందరూ కూడా నన్ను ఎన్టీ రామారావు గారి సినిమాలు చూపిస్తూనే పెంచారు. సెలవులు వస్తే చాలు ఆయన సినిమాల యొక్క క్యాసెట్లు తెంచుకొని ఇంట్లో ప్లే చేసుకుని కుటుంబ సమేతంగా అందరం కలిసి చూసేవాళ్ళం. ఆయన చేసిన సినిమాల్లో నా ఫేవరెట్ దానవీరశూరకర్ణ. పాంచాలి పంచభద్రుక అనే డైలాగ్ ను ఆయన తప్ప మరెవరు చెప్పలేరు.

BySarvepalli Bhavana
Published: January 6, 2023 5:42 PM IST