Vijaya Shanthi : అమితాబ్ మరియు రజిని తర్వాత నేనే.. సినిమాల్లో చాలా ప్రమాదాలు ఎదుర్కొన్న : విజయశాంతి

విజయశాంతి తన కెరీర్ లో ఎదుర్కొన్న యాక్సిడెంట్స్ గురించి ఈ మధ్య చేసిన వ్యాఖ్యలు తెగ వైరల్ అవుతున్నాయి...

By Vishnupriya chowdhary
Published: February 6, 2023 5:55 PM IST

ఇప్పుడైతే తెలుగులో హీరోయిన్ ఓరియటెడ్ సినిమాలు కామన్ అయిపోయాయి కానీ, ఒకానొక టైంలో మాత్రం హీరోలు మరియు వారి ప్రాధాన్యం ఉన్న సినిమాలు మాత్రమే రాజ్యమేలుతూ వచ్చాయి. అయితే ఆ విధానాన్ని పూర్తిగా మార్చిన హీరోయిన్ ఎవరు అంటే తప్పక చెప్పాల్సిన పేరు విజయశాంతి. హీరోల సినిమాలు థియేటర్స్ ని ఏలుతున్న సమయంలో, తాను హీరోలకి ఏమాత్రం తీసిపోను అని, సినిమాలో తీసి బ్లాక్ బస్టర్ కొట్టింది ఈ హీరోయిన్. ప్రధానంగా చెప్పుకోవలసిన విషయం ఏమిటి అంటే నటన మాత్రమే కాదు అప్పటి హీరోలకు సమానంగా ఫైట్లు కూడా చేసి చూపించండి.

అప్పట్లో విజయశాంతి సినిమా వస్తోంది అంటే టాప్ హీరోల సినిమాలు సైతం పోటీ పడదానికి ఆలోచించేవి అంటేనే మనం తనకి ఉన్న రేంజ్ అర్థం చేసుకోవచ్చు. ఎందుకంటే స్టార్ హీరోల రేంజ్ సినిమాల కలెక్షన్స్ ఈ హీరోయిన్ సినిమాకి వచ్చేవి. లేడీ సూపర్ స్టార్ గా ఫ్యాన్స్ తో పిలిపించుకుంది. దాదాపు 40 ఏళ్ల కెరీర్ లో 187 సినిమాల్లో నటించింది. Also Read - అమీర్ ఖాన్ పై విజయశాంతి షాకింగ్ కామెంట్స్; మెగాస్టార్ కి పెద్ద కౌంటర్

Also watch

ఇక హీరోయిన్ గా తన కెరీర్ ని మొదలుపెట్టిన విజయశాంతి ఆ తరువాత సినీ రంగంలో నిర్మాతగా కూడా కొద్ది రోజులు ఉంది. ఇక ఆ తరువాత పాలిటిక్స్ లోకి వెళ్లి రాజకీయ నాయకురాలిగానూ తన మార్క్ క్రియేట్ చేసింది. ప్రస్తుతం సినిమాలకు దూరంగా ఉన్న ఈమె.. తాజాగా ఓ ఇంటర్వ్యూలో కొన్ని ఆసక్తికర విషయాల గురించి తెలియజేసింది.

పూర్తి వివరాల్లోకి వెళితే అప్పట్లో విజయశాంతి చేసిన పాత్రలు మరియు ఆమె నటన ఇప్పటి హీరోయిన్స్ కి మరియు ఇప్పట్లో లేడీ ఓరియెంటెడ్ సినిమాలు చేసిన భామలకు చాలావరకు ఇన్సిపిరేషన్ అనే చెప్పాలి. ఇక ప్రస్తుతం సెకండ్ ఇన్నింగ్స్ లో కూడా కొన్ని సినిమాలు చేసిన విజయశాంతి చివరగా మనకు కనిపించింది మహేష్ బాబు సినిమా సరిలేరు నీకెవ్వరు లో. ఆ సినిమా మంచి హిట్ సాధించడమే కాకుండా ఆ చిత్రంలో విజయశాంతి నటన కూడా ప్రశంసలు అందాయి. ఇక చిత్రం తర్వాత మరలా విజయశాంతి అలాంటి పవర్ ఫుల్ క్యారెక్టర్స్ లో కనిపిస్తుంది అనుకుంటే, ఇప్పటివరకు ఆమె ఏ చిత్రం కానీ ప్రకటించలేదు. ఈ నేపథ్యంలో ఒక ఇంటర్వ్యూలో మాట్లాడుతూ.. తనకు గతంలో షూటింగ్స్ సమయంలో జరిగిన ప్రమాదాల గురించి బయటపెట్టింది విజయశాంతి. అంతేకాకుండా తన జీవితంలో జరిగిన మరెన్నో విషయాలను తప్పక వచ్చింది.

"నా సినిమాలలో ‘కర్తవ్యం’, ‘ప్రతిఘటన’, ‘ఒసేయ్ రాములమ్మ’.. మూడు సినిమాలు కూడా మూడు ఆణిముత్యాల్లాంటివి. నేను భరతనాట్యం మరియు కూచిపూడి రెండు కూడా తీర్చుకున్నాను. అవి నా లైఫ్ లో చాలా ఉపయోగపడ్డాయి. నా చిన్నప్పుడే తల్లిదండ్రులు చనిపోయారు. కానీ నేను ఎవరి దగ్గర సహాయం కోసం అడగలేదు. సినిమాలలో నేను తీసుకున్న ఫస్ట్ రెమ్యూనరేషన్ రూ.5 వేలు. 5000 నుంచి మొదలుపెట్టి రూ.కోటి తీసుకునే వరకు వెళ్లాను. అప్పట్లో మన దేశంలో ఎక్కువ రెమ్యునరేషన్ తీసుకున్న యాక్టర్స్ లో అమితాబ్, రజనీకాంత్ తర్వాత నేను ఉంటాను", అని తెలియజేసింది.

" అయితే నేను నా జీవితంలో జీవితంలో చాలాసార్లు చావు అంచుల వరకు వెళ్లి బయటపడ్డాను. ‘లేడీ బాస్’ క్లైమాక్స్ సీన్ షూటింగ్ లో రైలు నుంచి జారి లోయలో పడబోయాను. ఆ ప్రమాదం నుంచి త్రుటిలో తప్పించుకున్నాను. అంత ప్రమాదం అని తెలిసి దర్శకనిర్మాతలు ఆ సీన్ వద్దన్నారు. అయినా కానీ నేను షూటింగ్ కంప్లీట్ చేశాను. ఇక వేరొక సినిమా షూటింగ్ సమయంలో నా చీర, జత్తుకు మంటలు అంటుకున్నాయి. ఇలా సినిమాల షూటింగ్ సమయాలలో పలుమార్లు చావు వరకు వెళ్లొచ్చా" అని తను సినిమాలలో ఎదుర్కొన్న ప్రాణాపాయాల గురించి చెప్పుకొచ్చింది హీరోయిన్.

ByVishnupriya chowdhary
Published: February 6, 2023 5:55 PM IST