Vijayashanthi: ప్రజలు ఇచ్చిన అభిమానం.. గౌరవంతో నిలబెట్టుకోవాలి.. రానా నాయుడుపై విజయశాంతి ఆగ్రహం

ఈ మధ్య విడుదల ఎన్నో విమర్శలు తెచ్చుకున్న రానా నాయుడు సినిమా గురించి ప్రముఖ నటి విజయశాంతి కూడా కొంచెం బాగానే ఫైర్ అయ్యింది..

By Vishnupriya chowdhary
Published: March 19, 2023 4:01 PM IST

ఈ మధ్య నెట్ ఫిక్స్ లో విడుదలైన ఎన్నో విమర్శలు తెచ్చుకున్న సినిమా రానా నాయుడు. వెంకటేష్ సినిమా ఫ్యామిలీతో చూద్దామనుకున్న వారికి ఈ సినిమా పెద్ద షాక్ ని ఇచ్చింది. వెంకటేష్ కెరియర్ లో ఇలాంటి చిత్రం తీస్తారు అని కూడా ఎవ్వరూ ఊహించి ఉండరు.

అయితే వెంకటేష్ సంగతి పక్కన పెడితే మామూలుగా చూసుకున్న తెలుగు వారికి ఇలాంటి వెబ్ సిరీస్ జీర్ణించుకోవడం చాలా కష్టంగానే ఉంది. మామూలుగా థియేటర్స్ లో రిలీజ్ అయ్యే సినిమాలకి సెన్సార్ వల్ల
అసభ్యత, హింస మితిమీరకుండా సెన్సార్‌ అడ్డు ఉంటుంది. కానీ ఓటీటీకి ఎలాంటి పరిమితులు లేవు. అందుకే మరీ ఇలాంటి మితిమీరిన వెబ్ సిరీస్ వస్తున్నాయి అని అనేకమంది అనేక వ్యాఖ్యలు చేశారు. కొంతమంది మారుతున్న తరం కొద్దీ ఇలాంటి వెబ్ సిరీస్ తీస్తున్నారు దీంట్లో తప్పేమీ ఉంది అని అడగగా మరి కొంతమంది ఇలాంటివి చూసి యువత ఏమైపోతారో అంటూ నిరసన వ్యక్తం చేశారు.

Also watch

ఈ నేపథ్యంలో రానా నాయుడు సినిమా పైన ప్రముఖ నటి విజయశాంతి 'ఈ మధ్యనే విడుదలైన ఒక తెలుగు (బహుబాషా) ఓటీటీ సిరీస్ గురించి..' అంటూ తిట్టకనే పరోక్షంగా వెబ్ సిరీస్ ని తిట్టేసింది.

విజయశాంతి మాట్లాడుతూ..'ఓటీటీ ప్లాట్‌ఫామ్‌కు కూడా కఠినమైన సెన్సార్‌ విధానం ఉండి తీరాలి. తీవ్ర మహిళా వ్యతిరేకతతో కూడిన ఉద్యమాల వరకు తెచ్చుకోకుండా ఉంటారని భావిస్తున్నా. వ్యతిరేకత వ్యక్తమవుతున్న సిరీస్‌ను నటులు, నిర్మాతలు వెంటనే ఓటీటీ నుంచి తొలగించాలని కోరుతున్నా. అంతేకాకుండా ఫ్యూచర్లో కూడా ఓటీటీ ప్రసారాలలో ప్రజల నుంచి ప్రత్యేకంగా మహిళల నుంచి వ్యతిరేకత రాకుండా జాగ్రత్తలు తీసుకోవాలని చెప్తున్నా. ప్రజలు ఇచ్చిన అభిమానాన్ని మరింత గౌరవంతో నిలబెట్టుకుంటారని నేను ఆశిస్తున్నాను' అని సోషల్‌ మీడియాలో రాసుకొచ్చింది విజయశాంతి.

ఇక విజయశాంతి అన్న ఈ మాటలు ప్రస్తుతం వైరల్ అవుతున్నాయి.

ByVishnupriya chowdhary
Published: March 19, 2023 4:01 PM IST