పవన్ కల్యాణ్‌ సినిమా నుంచి అదిరిపోయే అప్‌డేట్.. అభిమానులకు పండుగే ఇక

పవర్‌‌ స్టార్ పవన్‌ కల్యాణ్ గ్రీన్ సిగ్నల్ ఇచ్చిన సినిమాలను పూర్తి చేసే పనిలో బిజీగా ఉన్నారు. ఈ క్రమంలో ఒకపక్క షూటింగ్స్, మరోపక్క రాజకీయాలతో తలమునకలయ్యారు. ఆయన డేట్స్‌ ప్రకారం సినిమాలను పూర్తి చేసేలా దర్శక నిర్మాతలు షెడ్యూల్ ప్లాన్ చేసుకుంటున్నారు

By Nikhil Rampalli
Published: March 24, 2023 4:22 PM IST

అటు రాజకీయాలు, ఇటు సినిమాలను బ్యాలెన్స్‌ చేస్తూ ముందుకు సాగుతున్నారు పవర్‌‌స్టార్ పవన్‌ కల్యాణ్. గ్రీన్‌ సిగ్నల్ ఇచ్చిన సినిమాలను శరవేగంగా పూర్తి చేస్తున్నారు. హరిహర వీరమల్లు సినిమా సెట్స్‌ పై ఉండగానే వినోదాయ సీతం రీమేక్, ఉస్తాద్ భగత్ సింగ్తోపాటు సుజిత్‌ దర్శకత్వంలో సినిమాకు ఓకే చెప్పారు పవన్. వినోదాయ సీతం రీమేక్‌ కోసం కేవలం 22 రోజులు మాత్రమే కేటాయించారు పవన్‌. ఇప్పటికే ఈ సినిమా షూటింగ్‌లో రెండు వారాలు పాల్గొన్నారని టాక్.

మరో వారం రోజులు షూటింగ్ చేస్తే సినిమాలో పవన్‌ పార్ట్‌ పూర్తవుతుందని తెలుస్తోంది. పవన్ కల్యాణ్ డేట్స్ ప్రకారం ప్రాజెక్ట్‌ ప్రారంభంలోనే నిరవధికంగా పవన్‌ సీన్లను తెరకెక్కిస్తున్నట్టు సమాచారం. కంటిన్యూగా షూటింగ్‌లో పాల్గొంటూ సినిమాను శరవేగంగా పూర్తి చేస్తున్నారట.

గోపాల గోపాల సినిమాలో వలె ‘వినోదాయ సీతం’లో కూడా పవన్ మోడ్రన్ దేవుడి పాత్ర పోషిస్తున్నారు. సినిమాలో ఆయన పాత్ర తక్కువ సమయమే ఉంటుందని సమాచారం. మరో హీరో సాయి ధరమ్ రోల్ పూర్తి స్థాయిలో ఉంటుంది. మనిషికి, దేవుడికి మధ్య జరిగే సెటైరికల్ అండ్ హ్యూమరస్ డ్రామాగా ఈ సినిమా తెరకెక్కుతోంది. సముద్రకని దర్శకత్వంలో తెరకెక్కుతున్న ఈ సినిమా కథను తెలుగు నేటివిటీకి తగినట్టుగా మార్పులు చేశారని, అందుకు త్రివిక్రమ్ సహకరించినట్టు కూడా వార్తలు వచ్చాయి. ఇక ఈ సినిమాను దసరా పండుగకు థియేటర్లలోకి తీసుకురావాలని మేకర్స్ ప్లాన్ చేస్తున్నారని తెలుస్తోంది.

Trending Now

వినోదాయ సీతం రీమేక్ లో నటించడానికి పవన్ కల్యాణ్ అందుకునే రెమ్యూనరేషన్పై కూడా హాట్ హాట్‌గా చర్చ జరుగుతోంది. యాభై కోట్లు తీసుకున్న పవన్ రోజుకు రెండున్నర కోట్లకు పైగా ఛార్జ్ చేసినట్లు అవుతోంది. ఇది టాలీవుడ్ టాప్ హీరోల్లో ఎవరూ చేరుకోలేని ఫీట్ అని చెప్పాలి. ఇక, ఈ సినిమాకి పలు టైటిల్స్ పరిశీలనలో ఉన్నాయి. మేకర్స్ మాత్రం దేవుడు అనే టైటిల్ కి ఫిక్స్ అయినట్టు సమాచారం.

మరోవైపు హరి హర వీరమల్లు తర్వాతి షెడ్యూల్ త్వరలో ప్రారంభం కానుంది. పీరియాడిక్ యాక్షన్ ఎంటర్టైనర్ కావడంతో షూటింగ్‌ లేట్ అవుతోంది. పవన్ కల్యాణ్ నటిస్తున్న మొదటి పాన్ ఇండియా మూవీ హరి హర వీరమల్లు. క్రిష్ దర్శకత్వంలో తెరకెక్కుతోంది. ఈ సినిమాలో నిధి అగర్వాల్ హీరోయిన్‌గా నటిస్తున్నారు. ఈ సినిమా నుంచి పవన్‌ ఫస్ట్‌ లుక్ విడుదల చేసిన తర్వాత అంచనాలు మరింత పెరిగాయి. చూడాలి మరి క్రిష్‌.. పవన్‌ అభిమానుల అంచనాలను అందుకుంటారో లేదో.

హరీష్ శంకర్ డైరెక్షన్‌లో చేస్తున్న ఉస్తాద్ భగత్ సింగ్, సుజిత్ చిత్రాలను కూడా ఆయన పట్టాలెక్కిస్తున్నారు. హరీష్ శంకర్‌‌ – పవన్ కల్యాణ్ కాంబినేషన్‌లో వచ్చిన గబ్బర్ సింగ్ ఇండస్ట్రీని షేక్ చేసింది. చాలా కాలంగా హిట్‌ లేక ఇబ్బందిపడుతున్న పవన్‌కు ఆ సినిమా మంచి సక్సెస్‌ అందించింది. దాంతో వీరిద్దరి కాంబినేషన్‌లో వస్తున్న సినిమా కావడంతో అభిమానులు భారీ ఆశలు పెట్టుకున్నారు. ఈ సినిమా కూడా తమిళ రీమేక్ కావడం గమనించాల్సిన విషయం

ByNikhil Rampalli
Published: March 24, 2023 4:22 PM IST