Jyotika : యంగ్ లుక్ లో జ్యోతిక…పదేళ్లు వయసు తగ్గిపోయిందంటున్న ఫ్యాన్స్

జ్యోతిక కొత్త లుక్ సోషల్ మీడియాలో వైరల్ అవుతోంది. ఈ నటి ఇటీవలే తన బాలీవుడ్ కమ్ బ్యాక్ చిత్రం షూటింగ్ ముగించిన విషయం మనందరికీ తెలిసిందే..

By Vishnupriya chowdhary
Published: February 7, 2023 1:33 PM IST

తమిళ ప్రేక్షకులకే కాదు తెలుగు ప్రేక్షకులకు కూడా హీరోయిన్ జ్యోతిక అంటే ప్రత్యేక అభిమానం ఉంది. చంద్రముఖి సినిమాతో తెలుగు ప్రేక్షకులను విపరీతంగా ఆకట్టుకుంది ఈ హీరోయిన్. రజినీకాంత్ సినిమా అయినా కూడా ఆ చిత్రంలో మన సూపర్ స్టార్ కంటే కూడా జ్యోతిక కి ఎక్కువ మార్కులు వేశారు ప్రేక్షకులు. ఇక ఈ చిత్రం తర్వాత సింబు నటించిన మన్మధ సినిమాతో కూడా మంచి మార్కులు తెచ్చుకునింది జ్యోతిక. ఇక తెలుగులో కూడా చిరంజీవితో ఠాగూర్ మరియు నాగార్జునతో మాస్ వంటి సినిమాలలో నటించింది.

అయితే ఈ హీరోయిన్ సినిమా ఎంట్రీ ఇచ్చింది మాత్రం ఒక బాలీవుడ్ సినిమాతో. ఇక చాలా కాలం తర్వాత
జ్యోతిక ఇటీవల రాజ్‌కుమార్ రావ్‌తో తన బాలీవుడ్ పునరాగమన చిత్రం శ్రీ షూటింగ్‌ను ఈ మధ్యనే ముగించుకుంది. అంతేకాకుండా ఇటీవల, జ్యోతిక మరియు సూర్య కేరళలో పృథ్వీరాజ్ సుకుమారన్ మరియు అతని భార్య సుప్రియతో సమావేశమయ్యారు. వారి ఫోటో అన్ని సోషల్ మీడియా ప్లాట్‌ఫామ్‌లలో వైరల్‌గా మారింది. అయితే ప్రస్తుతం ఈ హీరోయిన్ మరో లేటెస్ట్ ఫోటో వల్ల సోషల్ మీడియాలో మరోసారి హైలెట్గా నిలిచింది. Also Read - Jyotika : ఇన్ని సంవత్సరాలకి మరల హిందీ చిత్రంలో నటించిన జ్యోతిక..

స్టైలిష్ హెయిర్ కట్ తో జ్యోతిక కనిపిస్తున్న కొన్ని కొత్త ఫోటోలు సోషల్ మీడియాలో హల్ చల్ చేస్తున్నాయి. ఈ ఫొటోస్ జ్యోతిక ఫ్రంట్ బ్యాంగ్స్‌తో కొత్త హెయిర్‌కట్ చేసుకున్నట్లు కనిపిస్తోంది. అంతేకాదు చాలా యంగ్ కనిపిస్తోంది ఈ హీరోయిన్. ఈ గెటప్ కొత్త సినిమా కోసమా అని అభిమానులు ఆరా తీస్తున్నారు. ఆమె కొత్త లుక్‌ను అభినందిస్తూ పలువురు సోషల్ మీడియా వేదికగా స్పందించారు.

ఆమె అభిమానులతో పాటు సాధారణ సినీ ప్రేక్షకులకు కూడా జ్యోతిక వయసు దాదాపు పదేళ్లు తగ్గిపోయింది అని అభినందిస్తున్నాడు. ఈ ఫోటో బయటకి వచ్చిన కొద్ది నిమిషాల్లోనే చాలామంది షేర్ చేసేసారు.

#NewProfilePic #Jyothika ? pic.twitter.com/mDFRtLouzG

— Jyothika Fans Club (@Jyothika_offi) January 30, 2023

ఇక సినిమాల విషయానికి వస్తే, అమెజాన్ ప్రైమ్ వీడియోలో ప్రసారమవుతున్న ఉడన్‌పిరప్పేలో జ్యోతిక చివరిగా కనిపించింది . కోవిడ్-19 మహమ్మారి సమయంలో ఈ చిత్రం థియేట్రికల్ విడుదల కాకుండా డైరెక్ట్ ఓటీటీ లో వచ్చింది. ఈ నటి తదుపరి మలయాళ చిత్రం కాతల్ - ది కోర్‌లో కనిపించనుంది. ఈ సినిమాలో ఆమె మమ్ముట్టితో కలిసి స్క్రీన్ షేర్ చేసుకోనుంది.

కథల్ తర్వాత, జ్యోతిక తన రాబోయే చిత్రం శ్రీ విడుదల కోసం వేచి ఉంది, ఈ సినిమా ప్రముఖ పారిశ్రామికవేత్త శ్రీకాంత్ బొల్లా బయోపిక్ గా రానుంది.

ByVishnupriya chowdhary
Published: February 7, 2023 1:33 PM IST