Pawan Kalyan Unstoppable Promo : అభిమానులు ఉన్నారు కానీ ఎందుకు సక్సెస్ కాలేకపోయావు.. పవన్ కళ్యాణ్ కి బాలకృష్ణ ప్రశ్న..

Name: Pawan Kalyan Unstoppable Promo : అభిమానులు ఉన్నారు కానీ ఎందుకు సక్సెస్ కాలేకపోయావు.. పవన్ కళ్యాణ్ కి బాలకృష్ణ
Uploaded: 2023-01-21T10:17:24+05:30

ఫైనల్ గా అన్ స్టాపబుల్ ఎపిసోడ్ నుంచి బాలకృష్ణ పవన్ కళ్యాణ్ ని అడిగిన కొన్ని ప్రశ్నలు తో కూడిన ప్రోమో నిన్న విడుదల అయ్యి అందరిలో ఆసక్తి నెలకొల్పింది…

By Vishnupriya chowdhary
Published: January 21, 2023 10:17 AM IST

మెగా అభిమానులు మరియు నందమూరి అభిమానులు ఎప్పుడెప్పుడా అని తెగ ఆసక్తిగా ఎదురుచూస్తున్న అన్ స్టాపబుల్ పవన్ ఎపిసోడ్ ఫస్ట్ గ్లిమ్స్ ఈ మధ్య విడుదల చేసి అందరిలో ఆసక్తి నెలకొల్పిన సంగతి తెలిసిందే. అయితే ఆ ఫిలిమ్స్ లో పెద్ద కంటెంట్ అయితే ఏమీ లేదు. కానీ నిన్న విడుదల చేసిన గ్లిమ్స్ మాత్రం బాలకృష్ణ క్యూస్షన్స్ దానికి పవన్ కళ్యాణ్ ఆన్సర్స్ అందరిని ఆకట్టుకుంటున్నాయి.

అసలు బయట ఇంటర్వ్యూస్ కి పెద్దగా అటెండ్ అవ్వని పవర్ స్టార్ పవన్ కళ్యాణ్‌, బాలయ్య హోస్ట్ చేస్తోన్న అన్ స్టాపబుల్ షోకు గెస్టుగా రావడంతో అంతా ఆశ్చర్యపోయారు. తన అన్నయ్య చిరంజీవి హోస్ట్ చేసిన షోలకు కూడా పవన్ కళ్యాణ్‌ వెళ్లలేదు. కానీ ఇప్పుడు ఇలా బాలయ్యతో కలిసి షోలో పాల్గొనడంతో ఆ ఎపిసోడ్ మీద ప్రేక్షకులకు విపరీతమైన ఎక్స్పెక్టేషన్స్ పెరిగిపోయాయి. ఇక ఆహా ప్లాట్ఫారం ఈ ఎపిసోడ్ ప్రోమోను తాజాగా రిలీజ్ చేశారు. ఆహా ప్లాట్‌ఫారమ్ యాజమాన్యం ఈ ప్రోమోను తమ అధికారిక సోషల్ మీడియా ఖాతాలలో పోస్ట్ చేసింది.

Also watch

ఈ ప్రోమోలో పవన్ కళ్యాణ్ మరియు బాలకృష్ణ రాజకీయాల గురించి కూడా ప్రస్తావించారు. అయితే మొదటిగా బాలకృష్ణ తనని బాలా అని పిలవాలి అనగా, నేను ఓడిపోవడానికైనా సిద్ధమే అంటూ గట్టిగా నవ్వుతూ కనిపించాడు పవన్.

ఇక ఇటీవల నీ విమర్శల్లో వాడి వేడి బాగా పెరిగిందని, డబుల్ ఇంపాక్ట్ అయిందంటూ బాలకృష్ణ ప్రశ్నించగా.. దానికి పవన్ కల్యాణ్ .. నేను చాలా పద్ధతిగా మాట్లాడతానండీ అని కిందలుగా నవ్వుతూ సమాధానం ఇచ్చారు.

ఇక బాలకృష్ణ తనదైన స్టైల్ లో అన్నయ్య చిరంజీవి నుంచి నేర్చుకున్నవి ఏమిటీ?, వద్దనుకున్నవి ఏమిటీ? అనే ఆసక్తికరమైన ప్రశ్న అడగగా, దీనికి పవన్ కల్యాణ్ సూటిగా సమాధానం వచ్చిందా? లేదా? అనేది ఫుల్ ఎపిసోడ్ చూస్తే గానీ తెలియదు.

ఒకసారి తన వదిన ఫోన్ చేస్తే- తనకు ఇదే చివరి సినిమా అవుతుందని, ఇక తన వల్ల కాదని సమాధానం ఇచ్చినట్లు బాలకృష్ణ అడిగిన ఏదో ప్రశ్నకు పవన్ కల్యాణ్ చెప్పుకొచ్చారు. ఇక ఫైనల్ టచ్ మాత్రం ప్రేక్షకులలో మరింత ఆసక్తి నెలకొల్పింది…రాష్ట్రంలో పవన్ కల్యాణ్ కు ఫ్యాన్ కాని వాడు లేడు.. అలాంటప్పుడు ఆ ప్రేమ ఓట్లుగా ఎందుకు కన్వర్ట్ అవ్వలేదని బాలకృష్ణ పవన్ కళ్యాణ్ ని అడిగేయడంతో దానికి పవన్ ఆన్సర్ ఏమిటి అనేది ప్రేక్షకులలో ఇంట్రెస్ట్ తెప్పిస్తోంది.

అయితే సమాధానం తెలియాలి అంతే మాత్రం మరికొద్ది రోజుల వెయిట్ చేయాల్సిందే.

ఆల్రెడీ ప్రభాస్ ఎపిసోడ్ ఎలాంటి సునామి క్రియేట్ చేసిందో మనందరికీ తెలుసు ఇక దానికి డబుల్ గా ఈ ఎపిసోడ్ క్రియేట్ చేయబోతోంది అని ఈ ప్రోమో చూస్తేనే అర్థమవుతుంది. ఇక వెయిట్ చేయడమే ప్రేక్షకుల వంతు.

ByVishnupriya chowdhary
Published: January 21, 2023 10:17 AM IST