ఈ సినిమాల్లో హీరోలకన్నా హీరోయిన్ క్యారెక్టర్లు చాలా స్ట్రాంగ్ గురూ !

ఏ సినిమా ఇండస్ట్రీలో అయినా హీరోలదే హవా… కానీ కొన్ని సినిమాల్లో హీరోలు కూడా సైడ్ అయిపోవాల్సిందే. అలంటి సినిమాలు బోలెడు. వాటిలో కొన్ని మీకోసం.

By Sarvepalli Bhavana
Published: June 30, 2022 12:04 AM IST

ఒకప్పుడైతే హీరోయిన్స్ కేవలం పాటలకు మాత్రమే పరిమితమై పోయారేమో అనిపించేది. సావిత్రి, అంజల దేవి, వాణిశ్రీ, సౌందర్య, రమ్యకృష్ణ ఇలాంటి వాళ్ళు చేసిన హీరోయిన్ ఓరియెంటెడ్ సినిమాలు వస్తాయా అనే డౌట్ లో ఉన్నప్పుడు…కొన్ని చిత్రాలు స్ట్రాంగ్ హీరోయిన్ క్యారెక్టరైజేషన్ తో వచ్చి మళ్లీ స్ట్రాంగ్ ఉమెన్ క్యారెక్టర్ ఉన్న సినిమాలను మనకు చూపించాయి…. నేటి తరం లో వచ్చిన అలాంటి చిత్రాల్లో కొన్నింటిని చూద్దాం:

అరుంధతి Also Read - అర్జున్ రెడ్డి నుండి మేజర్ వరకు - ఈ తెలుగు సినిమాలు విడుదలైన వారంలోపే బ్రేక్ ఈవెన్‌ను వసూలు చేశాయి

అమ్మోరు సినిమాలో రమ్యకృష్ణ రోల్ తర్వాత మళ్ళి అంత పవర్ ఫుల్ హీరోయిన్ క్యారెక్టర్ తో వచ్చిన చిత్రం అరుంధతి. ఈ సినిమా దర్శకుడు కూడా అమ్మోరు సినిమా దర్శకుడు కోడి రామకృష్ణ నే అవ్వడం విశేషం. ఇక ఈ సినిమాలో అనుష్క నటన గాని, ఆమె క్యారెక్టర్ ను చూపించిన విధానం కానీ అద్భుతమనే చెప్పాలి. ముఖ్యంగా ఇందులో జేజమ్మ క్యారెక్టర్ కి అప్పట్లో ప్రేక్షకులందరూ జేజేలు పలికారు.

శేఖర్ కమ్ముల సినిమాలు : ఆనంద్ …గోదావరి… ఫిదా… Also Read - టాలీవుడ్ లో అత్యంత డిమాండ్ ఉన్న రిలీజ్ డేట్ ఏదో తెలుసా?

శేఖర్ కమ్ముల సినిమాలో హీరోయిన్ క్యారెక్టర్ గురించి ప్రత్యేకంగా చెప్పనవసరం లేదు. ఆయన సినిమాల్లో హీరోయిన్ ని చూపించే విధానం చూస్తే ఎవరైనా మంత్రముగ్దులు అవ్వాల్సిందే. ఆనంద్ లోని రూప క్యారెక్టర్ కానీ.. గోదావరిలోని సీతా క్యారెక్టర్ కానీ.. ఫిదా లోని భానుమతి క్యారెక్టర్ కానీ మనం ఎప్పటికీ మర్చిపోలేము….. ఆయన సినిమాలోని హీరోయిన్లందరూ "హైబ్రిడ్ పిల్ల ఒక్కటే పీస్" అన్నట్టుగానే ఉంటారు.

మహానటి Also Read - అల్లు అర్జున్ రిజెక్ట్ చేసిన ఈ సినిమాలు సూపర్ హిట్ అయ్యాయి తెలుసా?

ఈ సినిమాలో కీర్తి సురేష్ నటన గురించి చెప్పనవసరమే లేదు. ఒకప్పటి మహానటి సావిత్రి జీవిత చరిత్ర ఇది. ఆమె నటనా, జీవితం ఎంత గొప్పగా ఉంటాయో ఈ సినిమాని అంతకన్నా గొప్పగా తీర్చిదిద్దారు దర్శకులు నాగ అశ్విన్. ఈ సినిమా మూడు గంటలు మనల్ని సావిత్రి గారి 45 ళ జీవితాన్ని కళ్లకు కట్టినట్టుగా చూపిస్తూంది..

బాహుబలి

బాహుబలి 1 ఇంకా బాహుబలి 2 మన తెలుగు లోనే కాకుండా ప్రపంచవ్యాప్తంగా ఎంత పెద్ద హిట్ అయ్యిందో మనందరికీ తెలుసు. మన తెలుగు సినిమా ప్రఖ్యాతిని పాన్ ఇండియా లెవెల్ కి తీసుకెళ్ళింది. అయితే అయితే ఈ సినిమాలో ప్రభాస్, రాణా గురించి మనమెంత మాట్లాడుకుంటామొ అనుష్క, రమ్యకృష్ణ క్యారెక్టర్ గురించి కూడా అంతే మాట్లాడుకుంటాం. ముఖ్యంగా రమ్యకృష్ణ శివగామి గా చేసిన పాత్ర ఎన్నో ఏళ్ల వరకు నిలిచి పోతుంది. అలానే అనుష్క దేవసేన పాత్రలో కూడా మనకు ఎప్పటికీ గుర్తుండిపోయే పాత్ర లో ఒకటిగా మిగిలింది.

నరసింహ

ఈ సినిమా పేరు నరసింహ అయినప్పటికి మనకి నరసింహ సినిమా పేరు వినగానే గుర్తుకు వచ్చేది నీలాంబరి కారెక్టర్. ఇందులో హీరో రజినీకాంత్ అయినప్పటికీ ఈ సినిమా పెద్ద హిట్ అవ్వడానికి కారణం చాలామంది రమ్యకృష్ణ క్యారెక్టర్ అని అంటారు. అంతలా జనాల్లోకి చొచ్చుకుపోవడానికి నరసింహా లోని నీలాంబరి క్యారెక్టర్.

ఇక ఇవేకాక పెళ్లిచూపులు, హ్యాపీ డేస్, చి.లా.సౌ, భాగమతి చిత్రాలు కూడా హీరోయిన్ క్యారెక్టర్ ని స్ట్రాంగ్ గా చూపించి హీరోయిన్ల ప్రాధాన్యతను పెంచిన గొప్ప చిత్రాలే…

BySarvepalli Bhavana
Published: June 30, 2022 12:04 AM IST