మొదటి సినిమాతోనే హిట్ కొట్టిన టాలీవుడ్ హీరోలు

మొదటి సినిమాతోనే హిట్ కొట్టడం అంతే మామూలు విషయం కాదు. లుక్స్ మరియు అచ్తింగ్ తో పాటు, లక్ కూడా చాలా ముఖ్యం సినిమా ఇండస్ట్రీలో. మొదటి సినిమాతోనే ఈ హీరోలు బ్లాక్ బస్టర్ హిట్ కొట్టారు.

By Sarvepalli Bhavana
Published: June 30, 2022 11:35 AM IST

కొంతమంది హీరోలకి చాలా సినిమాలు చేస్తే కానీ గుర్తింపు రాదు. కానీ కొంతమంది హీరోలు మాత్రం మొదటి సినిమాతోనే మంచి హిట్ కొడతారు. ఇండస్ట్రీలో స్టార్ హీరోగా నిలదొక్కుకున, నిలదొక్కుకోలేకపోయిన, మొదటి సినిమాతో ఒక మంచి హిట్ అందుకోవటం మాత్రం ఆ హీరోలకి చాలా ఆనందాన్ని తెచ్చిపెడుతుంది అనే దాంట్లో సందేహం లేదు. మరి ఇలాంటి తొలి సక్సెస్ ని అందుకున్న హీరోలు గురించి చూద్దాం.

తరుణ్ Also Read - అంటే..సుందరానికీ మూవీ రివ్యూ: నటన తో మెప్పించిన నాని & నజ్రియా

Also watch

బాల నటుడిగా ఎన్నో చిత్రాలు చేసినప్పటికి పూర్తిస్థాయి హీరోగా తరుణ్ నటించిన తొలి చిత్రం నువ్వే కావాలి. కేవలం కోటి రూపాయల బడ్జెట్ తో వచ్చిన ఈ చిత్రం ఏకంగా 25 కోట్లు సంపాదించి తెలుగు సినిమా ఇండస్ట్రీని ఆశ్చర్యపరిచింది. టాలీవుడ్ లో స్వయంవరం నువ్వు నాకు నచ్చావ్, మన్మధుడు వంటి సూపర్ హిట్ సినిమాలు ఇచ్చిన కె.విజయభాస్కర్ దర్శకత్వంలో వచ్చింది ఈ సినిమా. ఈ సినిమాని ఈనాడు పత్రిక అధినేత రామోజీరావు ప్రొడ్యూస్ చేయగా మ్యూజిక్ డైరెక్టర్ కోటి పాటలు అందించారు.

నితిన్

తేజ దర్శకత్వంలో నితిన్ నటించిన మొదటి చిత్రం జయం. ఇందులో సదాఫ్ హీరోయిన్ గా నటించింది. ఈ సినిమా అప్పట్లో బ్లాక్ బస్టర్ గా నిలిచి నితిన్ కెరియర్ కి పునాది వేసింది. తేజ దర్శకత్వంలో వచ్చిన ఈ సినిమా నితిన్ నే కాకుండా డైరెక్టర్ తేజ అని కూడా స్టార్ డైరెక్టర్ గా మార్చేసింది. ఇక ఆర్.పి.పట్నాయక్ అందించిన సంగీతం ఈ చిత్రానికి మేజర్ హైలెట్. ఈ సినిమాలోని రాను రానంటూనే చిన్నదో, అందమైన మనసులో ఇంత అలజడెందుకో లాంటి పాటలు ఇప్పటికీ మనలో చాలామంది వింటూనే ఉంటారు

ఉదయ్ కిరణ్

ఉదయ్ కిరణ్ నటించిన తొలి చిత్రం ఇది. తేజ దర్శకత్వంలో వచ్చిన ఈ సినిమాలో హీరోయిన్ గా రీమా సేన్ నటించింది. ఇది రీమాసేన్ కు ఇంకా ఉదయ్ కిరణ్ కి, ఇద్దరికీ మొదటి చిత్రం. ఈ సినిమా పాటలు, కథ ప్రేక్షకులను విపరీతంగా ఆకట్టుకోవడం తో ఈ చిత్రం అటు తేజ కెరియర్ లో, ఇటు ఉదయ్ కిరణ్ కెరీర్ లో ఓ మంచి హిట్ గా నిలిచింది.

నాని

అసిస్టెంట్ డైరెక్టర్ గా ఎన్నో చిత్రాలు చేసిన నాని, హీరోగా నటించిన మొదటి చిత్రం అష్టాచమ్మా. ఈ సినిమా మంచి హిట్ ని తెచ్చిపెట్టింది. అంతేకాదు టాలీవుడ్ లో నాని నాచురల్ స్టార్ గా ఎదగడానికి పునాది వేసిన చిత్రం ఇది. ఆ తర్వాత కూడా మంచి సినిమాల్లో నటిస్తూ నాని మన టాలీవుడ్ లో స్టార్ హీరోగా ఎదిగాడు.

వైష్ణవ్ తేజ్

ప్రముఖ దర్శకుడు సుకుమార్ శిష్యుడు బుచ్చిబాబు దర్శకత్వంలో వచ్చిన సినిమా ఉప్పెన. ఈ సినిమా మెగాస్టార్ చిరంజీవి మేనల్లుడు వైష్ణవ్ తేజ్ నటించిన తొలి చిత్రం. దేవి శ్రీ ప్రసాద్ మ్యూజిక్ అందించిన ఈ చిత్రం మ్యూజికల్ పరంగానే కాకుండా కలెక్షన్స్ పరంగా కూడా సూపర్ హిట్ సాధించింది.

BySarvepalli Bhavana
Published: June 30, 2022 11:35 AM IST