అంటే..సుందరానికీ మూవీ రివ్యూ: నటన తో మెప్పించిన నాని & నజ్రియా

దర్శకుడు వివేక్ ఆత్రేయ సాధారణ స్క్రిప్ట్ని ఎంచుకున్నప్పటికీ, మంచి ప్రేమ కథను, బలమైన భావోద్వేగాలను జోడించి సినిమాలు చక్కగా తీర్చిదిద్దాడు. కామెడీ, ఎమోషన్స్, రొమాన్స్ నీట్ గా బ్యాలెన్స్ చేసినందుకు అతన్ని మెచ్చుకోవాలి.

By Sarvepalli Bhavana
Published: July 1, 2022 10:14 AM IST

నటీనటులు : నాని, నజ్రియా నజీమ్, నరేశ్ హర్షవర్థన్, నదియా, రోహిణి తదితరులు

నిర్మాణ సంస్థ : మ్రైతీ మూవీ మేకర్స్ Also Read - మొదటి సినిమాతోనే హిట్ కొట్టిన టాలీవుడ్ హీరోలు

నిర్మాతలు:నవీన్ యెర్నేని, రవిశంకర్ వై.

Trending Now

దర్శకత్వం : వివేక్ ఆత్రేయ

సంగీతం : వివేక్ సాగర్

సినిమాటోగ్రఫీ : నికేత్ బొమ్మి

ఎడిటర్ :రవితేజ గిరిజాల

విడుదల తేది : జూన్ 10,2022

టీజర్ రిలీజ్ అయినప్పటినుంచె నాని 'అంటే సుందరానికి' సినిమాపై మంచి ఎక్స్పెక్టేషన్స్ నెలకొని ఉన్నాయి. హీరోయిన్ నజ్రియా తొలిసారి తెలుగులో నటించిన సినిమా ఇది. వివేక్ ఆత్రేయ దర్శకత్వంలో వచ్చిన ఈ హాస్య ప్రేమ కథ చిత్రం ఎలా ఉందో చూద్దాం..

కథ :

విభిన్న మతాలకు చెందిన ఇద్దరు చిన్ననాటి స్నేహితులైన సుందర్ (నాని), లీలా (నజ్రియా) చుట్టూ కథ తిరుగుతుంది. రెండు భిన్నమైన సంప్రదాయాలకు చెందినవారైనప్పటికీ, సుందర్ మరియు లీల ప్రేమలో పడతారు. కానీ, వారు తమ కుటుంబాలకు భయపడి, రెండు కుటుంబాలను ఒప్పించడానికి రెండు అబద్దాలు చెప్పవలసి వస్తుంది. ఆ రెండు అబద్ధాలు ఏమిటి? రెండు అబద్ధాలు వారి కుటుంబాలను ఎలా ప్రభావితం చేశాయి? సుందర్ మరియు లీల ప్రేమ కథ సుఖాంతం అయ్యిందా? అనేది మిగిలిన కథ.

తారాగణం మరియు సిబ్బంది పనితీరు

నాని నేచురల్ స్టార్ అని మరోసారి నిరూపించుకున్నాడు. అతను తన అద్భుతమైన నటనతో చిన్న సన్నివేశాలని కూడా బాగా ఎలివేట్ చేశారు. మరోవైపు, నజ్రియా ఎప్పటిలాగానే తన అద్భుతమైన నటనతో లీలా పాత్రలో ఎక్సలెంట్ గా నటించింది. ప్రధానంగా ఒక సున్నితమైన అబద్ధం కారణంగా ఆమెకు కలిగే భావోద్వేగం ఆమె కళ్ళ ద్వారానే చాలా అద్భుతంగా పలికించింది. నాని, నాచురల్ గా మధ్య వచ్చే లవ్ ట్రాక్ అందరినీ మెప్పిస్తుంది. నరేష్ నాని తండ్రి పాత్రలో అద్భుతంగా నటించాడు. ఆయన అందించిన కామెడీ చాలా బాగుంది. అనుపమ పరమేశ్వరన్, నదియా, హర్ష వర్ధన్, అళగం పెరుమాళ్ మరియు రోహిణి పోషించిన కొన్ని ఇతర కీలక పాత్రలు కూడా బాగా రూపొందించబడ్డాయి.

దర్శకుడు వివేక్ ఆత్రేయ సాధారణ స్క్రిప్ట్ని ఎంచుకున్నప్పటికీ, మంచి ప్రేమ కథను, బలమైన భావోద్వేగాలను జోడించి సినిమాలు చక్కగా తీర్చిదిద్దాడు. కామెడీ, ఎమోషన్స్, రొమాన్స్ నీట్ గా బ్యాలెన్స్ చేసినందుకు అతన్ని మెచ్చుకోవాలి. ప్రెగ్నెన్సీ సమస్యను అతను డీల్ చేసిన విధానం చాలా బాగుంది. అలాగే, కెమెరా పనితనం కూడా అందరినీ ఆకట్టుకుంటుంది. సినిమా ప్రొడక్షన్ డిజైన్ అద్భుతంగా ఉండి. మ్యూజిక్ వినసొంపుగా ఉంది.

మెప్పించే విషయాలు

ప్రథమార్ధం మరియు ద్వితీయార్థం నుండి కి లోను హాస్యం బాగా పండింది. సెకండాఫ్లో, డ్రామా మరింత కన్విన్సింగ్గా ఉంది. భావోద్వేగాలు కూడా మనల్ని మెప్పిస్తాయి. దర్శకుడు చాలా చిన్న కథను తీసుకొని దానిని ఆహ్లాదకరమైన రీతిలో వివరించాడు.

మెప్పించని విషయాలు

దర్శకుడు సినిమాని మనసుకు హత్తుకునేలా తీసినప్పటికీ, కొన్ని అనవసరమైన సన్నివేశాలను ట్రిమ్ చేయలేకపోయాడు. ప్రీ క్లైమాక్స్లోని కొన్ని సన్నివేశాలను ఎడిట్ చేసి ఉంటే ఎడిటింగ్ ఇంకాస్త బాగుండేది. అంతేకాదు ఫస్ట్ హాఫ్ మొత్తం చాలాసేపు హీరో హీరోయిన్ చిన్నప్పుడు స్టోరీ ఆ తర్వాత వాళ్ల క్యారెక్టర్ ఎస్టాబ్లిష్మెంట్ కి చాలా టైం తీసుకుంటుంది. అంతేకాదు చాలా సింపుల్ గా చెప్పే కలిగే విషయాలకు కూడా రెండు మూడు సీన్లు పెట్టారు దర్శకుడు. దీంతో సినిమా రాన్ టైం ఎక్కువయి ప్రేక్షకులకు కొంచెం బోర్ కొట్టిస్తుంది.

తీర్పు

మొత్తం మీద, 'అంటే సుందరానికి' చక్కగా ఎగ్జిక్యూట్ చేయబడిన ఎమోషన్స్తో నిండిన క్లాస్ లవ్ డ్రామా. కథ చాలా చిన్నది మరియు రన్టైమ్ చాలా ఎక్కువగా ఉన్నప్పటికీ, చక్కని కామెడీ, మంచి భావోద్వేగాలు, నటీనటుల పెర్ఫార్మెన్స్ మరియు మంచి కథనం ఈ చిత్రాన్ని ఆకట్టుకునేలా చేశాయి.

BySarvepalli Bhavana
Published: July 1, 2022 10:14 AM IST