Connect Movie Review : నయనతార కనెక్ట్ సినిమా ప్రేక్షకులకు కనెక్ట్ అయ్యి భయపెట్టిందా లేదా ?

కనెక్ట్ సినిమాని నయన్ భర్త విఘ్నేష్ శివన్ నిర్మించగా ఇంతకుముందు మయూరి మరియు గేమ్ ఓవర్ లాంటి సూపర్ హిట్ సినిమాలు తెరకెక్కించిన అశ్విన్ ఈ చిత్రానికి దర్శకత్వం వహించడం ఈ సినిమాపై ఎక్స్పెక్టేషన్స్ పెంచేసింది.

By Vishnupriya chowdhary
| Updated: December 22, 2022 11:01 AM IST

నటీనటులు: నయనతార, సత్యరాజ్, అనుపమ్ ఖేర్, వినయ్ రాయ్, హనియా నఫీస్
కెమెరా: మణికంఠన్ కృష్ణమాచారి
ఎడిటింగ్: రిచర్డ్ కెవిన్
మ్యూజిక్: పృథ్వీ చంద్రశేఖర్
నిర్మాత: విఘ్నేష్ శివన్
దర్శకత్వం: అశ్విన్ శరవణన్ Also Read - ఎట్టకేలకు తెలుగు సినిమాకు ఓకే చెప్పిన బెల్లంకొండ శ్రీనివాస్.. డైరెక్టర్‌‌ ఎవరంటే

నయనతార కనెక్ట్ సినిమా మొదలైనప్పటి నుంచే అందరిలో మంచి ఆసక్తిని తీసుకొచ్చింది. ఇందుకు చాలా కారణాలు ఉన్నాయి. ముఖ్యంగా ఈ చిత్రానికి ఇంట్రవెల్ లేకపోవడం అలానే చిత్రం నిడివి కేవలం గంత 30 నిమిషాలే కావడం, ‌ వీటన్నిటికీ మించి ఎప్పుడు ప్రమోషన్స్ చేయని నయనతార ఈ సినిమాకి ప్రమోషన్స్ చేయడం. మరి ఈ రోజు థియేటర్స్ లో విడుదలైన ఈ సినిమా ఎలా ఉందో ఒకసారి చూసేద్దాం.

Also watch

కథ : సుసాన్ (నయనతార) తన భర్త జోసెఫ్ (వినయ్ రాయ్), కుమార్తె అన్నా (హనియా నఫీసా) మరియు సుసాన్ తండ్రి ఆర్థర్ (సత్యరాజ్) తో కలిసి అందమైన జీవితం సాగిస్తూ ఉంటుంది. అయితే జోసెఫ్ వృత్తిరీత్యా వైద్యుడు కావడంతో కరోనా టైంలో పేషెంట్స్ కి ట్రీట్మెంట్ ఇస్తా అతను కూడా మరణిస్తారు. ఇలా కరోనా కారణంగా హ్యాపీగా జీవిస్తున్న ఈ ఫ్యామిలీ పరిస్థితిలో తలకిందులు అవుతాయి. ఇక దీంతో అన్నా తన తండ్రి మరణాన్ని తట్టుకోలేక అతనిని ఎలాగైనా కమ్యూనికేట్ చేయడానికి ఓయిజా బోర్డు ఉపయోగిస్తుంది. అయితే దీనివల్ల ఎన్నో అపవిత్ర ఆత్మలు ఆ ఇంట్లోకి చేరుకుంటాయి. ఓ దుష్ట ఆత్మ అన్నాను ఆవహిస్తుంది. ఇక ఈ విషయం తెలుసుకున్న ఆర్థర్, సుసాన్‌ ముంబైకి చెందిన పూజారి (అనుపమ్ ఖేర్)ని ఆశ్రయిస్తారు. ఆ తరువాత ఏమైనది అన్నదే ఈ చిత్రం కథాంశం. Also Read - పెళ్లి, విడాకులపై సమంత చేసిన కామెంట్స్‌తో నాగచైతన్య బ్యాడ్ అవుతున్నారా?

పర్ఫామెన్స్ మరియు టెక్నికల్ సిబ్బంది పనితీరు

నయనతార ఎప్పటిలాగానే తన యాక్టింగ్ తో అందరిని ఆకట్టుకుంది. అయితే నయనతార కన్నా కూడా ఈ సినిమాలో చెప్పుకోవలసినడి అన్నా పాత్రధారి హనియా నఫీసా గురించి. ఎందుకు అంటే ఈ చిత్రంలో ఎక్కువ నటించడానికి స్కోప్ ఉండేది ఆ పాత్రకే. ఇక ఆ పాత్రలో
హనియా చాలా బాగా నటించింది. ఇక సత్యరాజు మరియు అనుపమ ఖేర్ తమ తమ పాత్రలకు న్యాయం చేశారు. ముఖ్యంగా అనుపమ ఖేర్ క్యారెక్టర్ మనకి బాగా రిజిస్టర్ అవుతుంది. వినయ్ రాయ్ పాత్ర గురించి పెద్ద చెప్పుకోవడానికి ఏమీ లేకపోయినా ఆయన పరవాలేదు అనిపించాడు. Also Read - మహేష్‌బాబు – త్రివిక్రమ్ మధ్య గొడవలు ? కారణం అతనే అని టాక్

టెక్నికల్ అన్ని పనితీరు విషయానికి వస్తే ఈ సినిమా దర్శకుడి భార్య కావ్య రామ్ కుమార్ చాలా చిన్న లైన్ ని తీసుకుని కథ మొత్తం అల్లుకున్నారు. అయితే కరోనా మరియు ఆన్లైన్ వంటి కొత్త కాన్సెప్ట్స్ ని జోడీ చేసి కొంతవరకు మెప్పించారు దర్శకుడు. కేవలం ఒకే ఇంట్లో చాలా తక్కువ బడ్జెట్ తో ఈ సినిమా తీయడం కూడా ఈ చిత్రానికి పెద్ద ప్లస్ అని చెప్పొచ్చు. ఎందుకంటే తక్కువ బడ్జెట్ హారర్ సినిమా అందించాడు. ఇక ఈ చిత్రానికి సినిమాతోగ్రఫీ మరియు బ్యాగ్రౌండ్ మ్యూజిక్ బ్యాక్ బోన్స్ గా నిలిచాయి. మణికంఠన్, కృష్ణమాచారి సినిమాటోగ్రఫీ సినిమాకు బాగా ప్లస్ అయింది, అదేవిధంగా పృథ్వి చంద్రశేఖరన్ అందించిన బ్యాక్ గ్రౌండ్ స్కోర్ కూడా సినిమాకి మేజర్ హైలెట్.

మెప్పించిన విషయాలు

దర్శకుడు అశ్విన్ శరవణన్ తీసిన గత చిత్రాలు మరియు మయూరి మరియు గేమ్ ఓవర్ రెండు కూడా హారర్ థ్రిల్లర్ సినిమాలే. ఇక ఆ సినిమాలు చూసిన ఎవరికైనా ఈ దర్శకుడు ప్రతిభ ఇలానే అర్థమవుతుంది. ఇక తన గత చిత్రాల లానే ఈ సినిమాకి కూడా మెయిన్ కథని కరోనా కి ముడిపెట్టి బాగానే అనుకున్నారు దర్శకుడు. అంతేకాదు ముఖ్యంగా తక్కువ నిడివితో తెరకెక్కించాడు. ఆ నిడివి ఈ సినిమాకి మేజర్ ప్లస్ పాయింట్ అనొచ్చు. ఇక ఈ చిత్రం బ్యాక్ గ్రౌండ్ మ్యూజిక్ సినిమాకి మరో హైలెట్. ఇక పాపలో ఆత్మ ప్రవేశించిన దగ్గర నుంచి చాలా సేపు వరకు ఈ సినిమా ఇంట్రెస్టింగ్ గా సాగుతుంది. ఆన్లైన్ ద్వారానే ఆత్మలను పిలిపించుకోవడం, పారద్రోలడం అనేది ప్రేక్షకులకు బాగా కొత్తగా అనిపిస్తుంది.

మెప్పించని విషయాలు

దర్శకుడు గత చిత్రాలతో పోలిస్తే ఈ సినిమా తేలిపోయినట్టు అనిపిస్తుంది. దీనికి ముఖ్య కారణం ఈ కథ మనం చాలాసార్లు వినడం అలానే తీయడంలో కూడా దర్శకుడు కొంచెం తడబడదాం. కోవిడ్ నేపథ్యం మరియు ఆన్లైన్ అని రెండు కాన్సెప్ట్స్ ని కానీ తీసేస్తే, ఈ సినిమాలో చెప్పుకోవడానికి పెద్ద కొత్త సీన్స్ ఏమీ లేవు. అంతేకాదు ఈ చిత్రంలో పెద్దగా భయపెట్టే సన్నివేశాలు కూడా లేకపోవడం ఆశ్చర్యం. ఒక నాలుగు ఐదు సన్నివేశాలు మాత్రమే మనల్ని ఎక్కువగా భయపరిస్తాయి. ఆ సన్నివేశాలు కూడా సౌండ్ ఎఫెక్ట్ వల్ల మనల్ని భయానికి గురిచేసిన, ఈ సినిమా టీజర్, ట్రైలర్ క్రియేట్ చేసిన ఇంపాక్ట్ అయితే సినిమా క్రియేట్ చేయదు. ఇక ఈ సినిమాకి పెద్ద మైనస్ పాయింట్ ఏమిటి అంటే ఈ చిత్ర క్లైమాక్స్. ఇంకా ఈ కథ ఉందేమో అనుకునేటప్పుడు ఈ సినిమాని ముగించేశారు దర్శకుడు.

ప్లస్ పాయింట్స్
సినిమా నిడివి
హనియా నఫీసా నటన

మైనస్ పాయింట్స్

కథ, కథనం
కొత్తదనం లోపించడం

రేటింగ్: 2.25/ 5

ట్యాగ్ లైన్: కొంతవరకు మాత్రమే కనెక్ట్ అవుతుంది

ByVishnupriya chowdhary
| Updated: December 22, 2022 11:01 AM IST