Kabzaa Review : ఈ కన్నడ సినిమా కూడా ప్రేక్షకులను మెప్పిచ్చిందా ?

కన్నడ ప్రేక్షకులందరూ ఎంతో ఆసక్తిగా ఎదురుచూసిన సినిమా "కబ్జా". ఉపేంద్ర, శివ రాజ్ కుమార్, కిచ్చా సుదీప్ వంటి ప్రముఖ కన్నడ హీరోలు నటించిన సినిమా ఈ సినిమాపై ఎప్పటినుంచో మంచి అంచనాలు నెలకొన్నాయి.

By Vishnupriya chowdhary
Published: March 17, 2023 1:24 PM IST

విడుదల తేదీ: మార్చ్ 17, 2023
బ్యానర్: ఆనంద్ పండిట్ మోషన్ పిక్చర్స్, శ్రీ సిద్దేశ్వర ఎంటర్ప్రైజెస్, ఇన్వెనియో ఆరిజిన్
తారాగణం: ఉపేంద్ర, శివ రాజా కుమార్, కిచ్చా సుదీప్, శ్రియ శరన్, మురళీ శర్మ, నవాబ్ షాహ్, కోట శ్రీనివాస రావు, పోసాని కృష్ణ మురళి తదితరులు
సంగీత దర్శకుడు: రవి బశ్రుర్
నిర్మాత: ఆనంద్ పండిట్, ఆర్ చంద్రు, అలంకార్ పాండియన్
దర్శకుడు: ఆర్ చంద్రు Also Read - Kabzaa OTT Release : ఉపేంద్ర మరియు శ్రియా నటించిన “కబ్జ” ఆ ఓటీటీ ప్లాట్ ఫామ్ లో స్క్రీమింగ్ కానుందట..

ఆర్ చంద్రు దర్శకత్వంలో భారీ అంచనాల మధ్య కబ్జా సినిమా ఎట్టకేలకి ఇవాళ అనగా మార్చి 17, 2023 న భారీ స్థాయిలో థియేటర్లలో విడుదలైంది. కన్నడలో మాత్రమే కాక తెలుగులో కూడా అదే టైటిల్ తో విడుదలైంది. హిందీ మలయాళం, మరియు తమిళ్ భాషల్లో కూడా ఈ చిత్రం డబ్ అయింది. పీరియాడిక్ యాక్షన్ త్రిల్లర్ గా భారీ బడ్జెట్ తో తెరకెక్కిన ఈ సినిమా ఎంతవరకు అంచనాలను అందుకుందో చూసేద్దామా..

Also watch

కథ: Also Read - Kabzaa: ఉపేంద్ర మరియు కిచ్చ సుదీప్ నటించిన కబ్జా సినిమా తేదీ విడుదల ఖరారు

భారత దేశంలో స్వాతంత్రం వచ్చిన కొన్ని దశాబ్దాల తర్వాత చనిపోయినటువంటి ఒక రాజు భార్య తన ఇద్దరు కొడుకులతో సౌత్ ఇండియా కి వచ్చి దాక్కుంటుంది. అందులో ఒకరు అతి దారుణంగా చంపబడతాడు. తన సోదరుడి చావుకి కారణమైన వారి మీద ప్రతీకారం తీర్చుకోవడానికి భారత వైమానిక దళ పైలెట్ అయిన ఆర్కేశ్వర్ (ఉపేంద్ర) నిర్ణయించుకుంటాడు. ఈ నేపథ్యంలోనే వీర్ బహదూర్ మురళీ శర్మ వద్ద పనిలో చేరతాడు. వ్యతిరేకంగా ఉన్న గ్యాంగ్స్టర్ ను మట్టు పెట్టాలనుకుంటాడు. ఈ క్రమంలో వీర్ బహదూర్ కూతురు మధుమతి (శ్రియ శరణ) తో ప్రేమలో పడతాడు. అసలు ఆర్కేశ్వర్ తమ్ముని ఎవరు చంపారు? ఎందుకు చంపారు? ఆర్కేశ్వర్ అనుకున్నట్లుగానే ప్రతీకారం తీర్చుకోగలిగాడా? ఈ నేపథ్యంలో ఎలాంటి అడ్డంకులు ఎదుర్కొన్నాడు? చివరికి ఏమైంది తెలియాలంటే సినిమా చూడాల్సిందే..

తారాగణం & సిబ్బంది పనితీరు:

సినిమా మొదటి నుంచి ఆఖరి దాకా ఉపేంద్ర తన అద్భుతమైన నటనతో ఒకటి పడేశారు అని చెప్పుకోవచ్చు. మిగతా స్టార్ నటులతో పోలిస్తే ఉపేంద్ర కి మంచి పాత్ర దక్కింది. తన పాత్రకి ఉపేంద్ర పూర్తి స్థాయిలో న్యాయం చేశారు. కిచ్చా సుదీప్ తన పాత్రలో బాగానే నటించారు కానీ అది కేవలం ఒక క్యమియో పాత్ర లాగా అలా వచ్చి ఇలా వెళ్ళిపోతుంది. శివ రాజ్ కుమార్ పాత్ర కు కూడా పెద్దగా ప్రాధాన్యత లేదు. కానీ ఉన్నంతలో శివరాజ్ కుమార్ బాగానే ఆకర్షించారు. శ్రియ శరన్ ఈ సినిమాలో చాలా బాగా నటించింది. ఉపేంద్ర మరియు శ్రియ ల మధ్య కెమిస్ట్రీ పర్వాలేదు అనిపిస్తుంది. చాలా కాలం తర్వాత కోట శ్రీనివాసరావు ఒక మంచి ఇంటెన్స్ పాత్రలో చాలా బాగా నటించారు. పోసాని మురళీకృష్ణ నటన పరంగా మంచి మార్కులు వేయించుకున్నారు. మురళీ శర్మ కూడా బాగానే నటించారు. మిగతా నటీనటులు కూడా తమ పాత్రలో పరిధి మేరకు బాగానే నటించారు.

ఇక సాంకేతిక వర్గం విషయానికి వస్తే ఈ సినిమా డైరెక్టర్ ఆర్ చంద్రు నేరేషన్ సినిమాకి అతిపెద్ద మైనస్ పాయింట్ అని చెప్పుకోవచ్చు. చాలా వరకు సన్నివేశాలలో అవసరం లేకుండానే యాక్షన్ సన్నివేశాలు పెట్టి, రక్తపాతం సృష్టించారు. చాలా వరకు సన్నివేశాలు ప్రేక్షకులకు బోర్ కొట్టిస్తాయి. తల నరికేయడం వంటి సన్నివేశాలు చూడలేకుండా ఉంటాయి. ప్రతి సినిమాలో ప్రతి ఐదు నిమిషాలకి ఒక యాక్షన్ సన్నివేశం ఉంటుంది. కొన్ని సీన్లు బాగానే అనిపించినప్పటికీ యాక్షన్ డోసేజ్ సినిమాలో బాగా ఎక్కువైంది అని అనిపిస్తుంది. సినిమాకి నిర్మాణ విలువలు భారీగా ఉన్నాయని చెప్పుకోవచ్చు. సంగీతం కూడా కేవలం పరవాలేదు అనిపిస్తుంది. కొన్ని కొన్ని సన్నివేశాలలో సంగీతం కూడా ప్రేక్షకులకు చిరాకు తెప్పిస్తుంది. కొన్ని ఇంటెన్స్ డైలాగులు కూడా ప్రేక్షకులకు నవ్వు తప్పించే విధంగా ఉన్నాయి. ఆఖరికి సినిమా ఎడిటింగ్ కూడా ఆకట్టుకోలేకపోయింది.

మెప్పించిన విషయాలు

సినిమా ప్రొడక్షన్ డిజైన్ బాగుంది. నటీనటులు తమ పర్ఫామెన్స్ తో బాగానే అలరించారు. లైటింగ్ డిపార్ట్మెంట్లు కూడా మంచి పనితనాన్ని చూపించాయి.

మెప్పించని విషయాలు

సినిమా మొత్తం అనవసరమైన సన్నివేశాలు మాత్రమే ఉన్నట్లు అనిపిస్తుంది. సినిమాలోని ప్రతి పాత్ర ఇంతకుముందు ఎక్కడో చూసినట్లే కనిపిస్తుంది. రక్తపాతం, గట్టి మ్యూజిక్ ప్రేక్షకులకు చిరాకు తెప్పిస్తాయి.

తీర్పు

సినిమా మొదటి నుంచి చాలా స్లోగా అనిపిస్తుంది. ఏ రెండు సన్నివేశాలకి మధ్య కనెక్షన్ కూడా కనిపించదు. సినిమా ఆఖరిలో వచ్చే ఒకటి రెండు సన్నివేశాలు మాత్రమే పరవాలేదు అనిపిస్తాయి. సినిమా కాన్సెప్ట్, కథ నేరేషన్ అన్ని "కేజీఎఫ్" సినిమాని గుర్తుచేస్తాయి. కొన్ని కొన్ని సన్నివేశాలు హీరో యశ్ లేకుండా "కే జి ఎఫ్" సినిమా సన్నివేశాలను చూస్తున్నట్లు అనిపిస్తుంది. ఉపేంద్ర మరియు సుదీప్ ల పాత్రలు కూడా తమకు ఏమాత్రం సెట్ అవలేదు. ఆఖరికి కొన్ని చోట్ల డబ్బింగ్ కూడా సరిగ్గా చెప్పలేదు. ఓవరాల్ గా "కబ్జా" రొటీన్ గ్యాంగ్ స్టర్ సినిమా గా అదే పాత కథ కానీ ప్రేక్షకులను ఇరిటేట్ చేసే విధంగా నడుస్తుంది

ByVishnupriya chowdhary
Published: March 17, 2023 1:24 PM IST