Phalana Ammayi Phalana Abbayi movie review: శ్రీనివాస్ అవసరాలు దర్శకత్వంలో వచ్చిన ఈ ఎమోషనల్ రైడ్ బహుశా ప్రతి మనసును మెప్పిస్తుంది

నాగశౌర్య మరియు మాళవికా నాయర్ హీరో హీరోయిన్ల పాత్రలు పోషించిన ఫలానా అమ్మాయి ఫలానా అబ్బాయి సినిమా ఈరోజు థియేటర్స్ లో విడుదలైంది.

By Sarvepalli Bhavana
Published: March 17, 2023 3:35 PM IST

డైరెక్టర్: అవసరాల శ్రీనివాస్
నటీనటులు: నాగ శౌర్య, మాళవిక నాయర్
రేటింగ్: 2.5/5

శ్రీనివాస్ అవసరాల దర్శకత్వంలో నాగశౌర్య మరియు మాళవిక నాయర్ హీరో హీరోయిన్లుగా నటించిన సినిమా ఫలానా అమ్మాయి ఫలానా అబ్బాయి ఈరోజు థియేటర్లో విడుదలైంది. పీపుల్ మీడియా ఫ్యాక్టరీ మరియు దాసరి ప్రొడక్షన్స్ కలిసి నిర్మించిన ఈ సినిమా ఈరోజు థియేటర్స్ లో విడుదలైంది. ఇంతకీ ఈ సినిమా రివ్యూ ఎలా ఉందో ఒకసారి చూసేద్దాం. Also Read - OTT, Theatre releases this week : ఈవారం థియేటర్ మరియు ఓటీటీలో రిలీజ్ కానున్నా సినిమాలు

Also watch

కథ:
విశాఖపట్నంలోని ఒక ఇంజనీరింగ్ కాలేజీలో సంజయ్ కు అనుపమ సీనియర్. ఒక విచిత్రమైన సన్నివేశంలో పరిచయం అయిన వీరిద్దరూ ఎంతో క్లోజ్ ఫ్రెండ్స్ గా మారుతారు. అలా ఇంజనీరింగ్ పూర్తి చేసుకున్న తర్వాత యూకే కు వెళ్లి అక్కడ ఉన్నత చదువులు చదువుకుంటున్న సమయంలో వీరిద్దరూ ప్రేమలో పడతారు. ఎన్నో ఏళ్లుగా వీరిద్దరి మధ్యన ఉన్న ఆ అందమైన బంధం ప్రేమగా మారిన తర్వాత చుట్టుపక్కల ఉన్న కొంతమంది వల్ల వీరిద్దరి మధ్యలో మనస్పర్ధలు మొదలవుతాయి. అనుపమ సంజయ్ కు సీనియర్ కాబట్టి ముందుగా కాలేజీ చదువులను పూర్తి చేసుకుంటుంది. అయితే అప్పటికి ఇంకా చదువుకుంటున్న సంజయ్ కు అనుపమ ఎక్కడ దూరం అయిపోతుందో అన్న భయం ఉంటుంది. ఆ భయాన్ని లేదా ప్రేమని సరిగ్గా తెలియపరచలేక సతమాతమవుతుంటారు వీరిద్దరూ. అలాంటి మనస్పర్ధలు మధ్య వేరువేరు సందర్భాల్లో దూరమయ్యే ఈ జంట చివరకు కలుస్తుందా లేదా అనేది తెలుసుకోవాలంటే మాత్రం మీరు సినిమా చూడాల్సిందే.

విశ్లేషణ:
ఇద్దరు మనుషులు కలిసి కూర్చొని మనసు విప్పి సరిగ్గా మాట్లాడుకోలేకపోవడం వల్ల వచ్చే గొడవలు చిలికిచిలికి గాలి వాన లాగా మారుతాయి అన్న విషయాన్ని ఈ సినిమా ద్వారా డైరెక్టర్ అవసరాల శ్రీనివాస్ ఎంతో అందంగా తెలియజేశారు.

ముఖ్యంగా ఆ ఇద్దరు మనుషులు ఒకరినొకరు ప్రేమించుకుంటూ జీవితాంతం కలిసి ఉండాలని నిర్ణయం తీసుకున్న మాట నిజమే అయితే, వారిద్దరి మధ్యన వచ్చే చిన్న చిన్న గొడవలను ఈజీగా తీసుకోకుండా చిన్న చిన్న గొడవలు లేదా అనుమానాలను పక్కనపెట్టి మరి మాట్లాడుకోవాల్సిన అవసరం ఎంతైనా ఉందన్న విషయాన్ని ఈ కథ మనకు నేర్పిస్తుంది.

సంజయ్ పాత్రలో నాగశౌర్య మరియు అనుపమ పాత్రలో మాళవిక నాయర్ ఎంతో అద్భుతంగా నటించారు. శౌర్య శ్రీనివాస్ అవసరాల డైరెక్షన్లో చేసిన మూడవ సినిమా ఇది. యాక్టింగ్ పరంగా ఎంతగానో ఇంప్రూవ్ అయ్యాడు శౌర్య. ఇక మాళవిక విషయానికి వస్తే శౌర్య మీద నుంచి మన కంటి చూపును డైవర్ట్ చేసేంత అద్భుతమైన పర్ఫామెన్స్ అందించింది ఈ మలయాళీ ముద్దుగుమ్మ.

సినిమాలో ఎక్కువమంది నటీనటులో లేదా పాటలు లేకపోయినా కూడా ఉన్న ఆ నలుగురు లేదా ఐదుగురు మనుషులు మాత్రం ఆడియన్స్ను వీలైనంతవరకు మెప్పించ సాగారు. శ్రీనివాస్ అవసరాల సినిమా అనగానే కొన్ని ఎక్స్పెక్టేషన్స్ తో వెళ్తాం. ఆయన సినిమాల్లో ఉండే వెటకారం మరియు కామెడీ మిగతా సినిమాల్లో చాలా అరుదుగా కనిపిస్తుంది. అయితే ఈ సినిమాలో మాత్రం ఆ శ్రీనివాస అవసరాల మార్క్ అనేది మాత్రం కాస్త మిస్ అయినట్టు కనిపిస్తోంది. కేవలం మనుషులు మరియు వారి మధ్యన ఉండే ఎమోషన్స్ పై ఫోకస్ చేసిన శ్రీనివాస్ అవసరాల ఆడియన్స్ను ఆయన మునుపటి సినిమాల ద్వారా మెప్పించినంత విధంగా ఈ సినిమాతో మెప్పించలేకపోయారు.

ఏం బావుంది?
ఈ సినిమా చాలా మెల్లగా ముందుకు వెళ్తుంది. మిగతా కమర్షియల్ సినిమా లాగా గబగబా కథను చెబుతూ రెండు మూడు పాటలు లేదా నాలుగు ఫైట్లతో ఈ సినిమా జరిగిపోదు. 2000 సంవత్సరం నుండి 2010 సంవత్సరం వరకు ఏడు చాప్టర్లుగా విభజించి ఆ పదేళ్లలో జరిగిన కథను అవసరాలు మనకు చెప్పారు. ఉక్కు చాప్టర్లో హీరో హీరోయిన్ ఒక్కోలా మనకు కనిపిస్తుంటారు. ఆ షేడ్స్ అన్నిటిని కూడా మనకు ఎంతో అద్భుతంగా చూపించగలరు. అది మాత్రమే కాకుండా ప్రతి మనిషి జీవితంలో ఇలాగే జరుగుతుంటుంది కదా అనిపించేంత నాచురల్ గా ఉంది ఈ స్టోరీ. కళ్యాణి మాలిక్ ఇచ్చిన సంగీతం సినిమాకు గుండె చప్పుడు లాంటిది. ఎంతో స్లోగా సాగే ఈ ప్రేమ కథకు ఆయన ప్రాణం పోసారనే చెప్పాలి. విజువల్స్ అన్నీ కూడా చాలా బాగున్నాయి.

ఏం బాలేదు?
ఒక చాప్టర్ నుండి మరొక చాప్టర్ కి వెళ్తున్నప్పుడు మధ్యలో ఆడియన్స్ కు చాలా బోరింగ్ అనిపిస్తుంది ఈ కథ. మరో మాటలు చెప్పాలంటే అందరికీ అర్థమయ్యే విధంగా లాగ్ చాలా ఉంది. ఎడిటింగ్ లో ఆ స్లో మోషన్స్ సీన్లు మరియు కాస్త లాగ్ అనిపించే సీన్లను గనుక తీసేసి కొంచెం ఇంకా క్రిస్పీగా చేసి ఉంటే మాత్రం ఫాస్ట్ పేస్ లో జరిగే ఈ స్టోరీ ఆడియన్స్ను ఎక్కడా బోర్ కొట్టించకుండా ఉండేది. పాత్రలు మరియు వారి మధ్యన జరిగే సంఘటన మరియు సంభాషణల గురించి చెబుతూ ఉన్నప్పుడు కథపై మరింత ఫోకస్ పెట్టి ఉంటే బాగుండేది.

BySarvepalli Bhavana
Published: March 17, 2023 3:35 PM IST